Non chegarán

Non chegarán

12:09 04/05/12

A medida que a cousa vai empeorando imos vendo como o sistema se corrompe máis cada vez. Coma un membro infectado as cousas, os servizos, eses que pagamos e repagamos, van sufrindo eivas, taras, defectos que os fan máis imperfectos a medida que aumenta, iso si, o apartado meramente burocrático e sen utilidade expresa.

A sanidade é o espazo onde primeiro se aprecian eses pequenos cambios, faltas, erros. Un médico que non está, una paraza de matrona que non se cubre, un interino que desaparece, un proceso para una baixa protexida que implica pouco menos que una carreira para poder cumplimentala. Pequenos detalles que marcan o xeito en que as cousas van ser a partir de agora porque nos o permitimos.

Esta mañá dábase a coñecer o dato do paro oficial en España, cun misérrimo descenso en pouco máis se 6.000 empregos. Dez veces menos do que descendiu cando Zapatero (outro inútil integral pero con menos mala fe que os actuáis inútiles). Abril e xullo son meses onde tradicionalmente o paro descende incentivado por un país onde o turismo é potencia industrial. Galicia, queda demostrado, non.

Na nosa comunidade o paro aumentou, moi pouco iso si, pero acrecentando a necesidade de que Feijoo convoque eleccions canto antes. Para os estrategas do PP a presa xa é virtude. Cada anuncio de recorte, cada nova privatización, cada saída de pata de banco dun líder europeo fai aumentar a distancia a que o PP ve a vitoria por maioria absoluta que precisaría en Galicia. Diga o que diga o xornal portavoz do goberno (non, o ABC non, o outro, o que pagamos todos, o de Santi) nunha enquisa tan basta que afirma que o goberno revalidaría a maioría… aínda que a metade da xente, di o estudo, non sabe a quen vai votar. Diga o que diga, repito, este xornal a realidade e dura. Cada día máis a rúa se pregunta de que vai todo isto. A onde van medidas que loitan contra o paro facilitando o despido, que perseguen a fin da crise incentivando a miseria, que perseguen a liberdade aumentando o control das forzas de seguridade sobre a poboación.

Cada día máis, de modo sordo e escuro si, pero imparable, a xente se pregunta porque. Por que teño que pagar polas medicinas como xubilado?, acaso non as pagara xa? Por que debo repagar polas autopistas que xa construín, ou pola sanidade que sufrago con máis do 30% dos meus cartos via impostos?, agora vou ter que pagar o transporte o hospital? Porqué?

Tal que “Mourinhos” eliminados da Copa de Europa os pobres imbéciles que sufragamos a máis de 400.000 políticos en todo o país nos preguntamos por que.

Teño dito noutros foros pero é importante comezar a dicilo tamen neste. Non chegarán a 2013. Tampouco en Galicia.