Nova visita institucional ao treito Carballo-Berdoias da Autovía da Costa da Morte tralas críticas da oposición pola suposta parálise das obras e pola posible implantación dunha peaxe. Onte, o Conselleiro Agustín Hernández quixo ratificar o compromiso da Xunta para coa infraestrutura, asegurando que "o vindeiro ano poderá circularse entre Carballo e Berdoias a través dunha autovía libre de peaxe".
E fai este anuncio coincidindo coa publicación no DOG da Declaración de Impacto Ambiental do terceiro tramo, o de Berdoias-Cee, que analizaremos estes días.

O Conselleiro apuntou que "a porcentaxe de execución da Autovía da Costa da Morte xa acada o 22%". Son cifras máis avanzadas das previstas por mor do bo tempo durante os primeiros meses do ano. Precisamente por iso, e polas dificultades financieiras da UTE concesionaria (Copasa – Covsa – CRC – Taboada y Ramos), as obras están en pausa, "que non paralizadas", asegura.
Se Diego Calvo afirmaba que "as obras pararon en Semana Santa por mor do Convenio da Construción", a pesar de vermos a maquinaria parada, Hernández indica que "nestes momentos estase a traballar nas labores de movementos de terras, drenaxe, reposición de servizos afectados e inicio das estruturas".

Hernández manifestou que "a solvencia do Goberno galego e das propias construtoras permitirán á concesionaria pechar o financiamento necesario para o remate da infraestrutura". E foi máis alá: "A UTE logrará pechar un acordo cos bancos para rematar esta infraestrutura imprescindible para a Costa da Morte".

Novas relacionadas

• 18-03-12: O BNG sospeita que a Autovía sexa de peaxe e o PP critica a súa política do medo.
• 19-03-12: Marisol Piñeiro confirma o prazo de execución do Parador, da Autovía e do Porto de Sardiñeiro.
• 13-04-12: Os camións da Autovía paran.
• 03-04-12: Paralizadas as obras da Autovía?.
• A Xunta explica o Plan Revive na Costa da Morte.
• Os Concellos apretan o cinto.
• Fotodenuncia: Herba na VAC.
• Accidente laboral en Cabana nas obras da Autovía.

Fonte

• Redacción de QPC ([email protected]).
• Notas de prensa da Xunta.