Como algúns xa sabedes que eu son cabanés, poida que, polo titulado do artigo, poiderades creer que ía dar algún detalle escabroso sobre o acaecido estes días no meu Concello. Mais non vai ser o argumento, por suposto. Si decirvos que este feito debería trocar certas cousas que secularmente están moi mal por aquí. Mais, a pesares das manifestacións de repulsa convocadas nalgunhas capitais galegas, por aquí, a min “paréceme” que pouco ou nada mudará. En Ponteceso, por exemplo, o Concello lindante, fai un minuto de silencio e pequena concentración e.... pola noite..... festa na Graña con foguetes e orquestra, non sei se era a Olimpus, pero resoaba forte en Cesullas, Cesullas.... precisamente a parroquia na que foi soterrada a víctima ese mesmo día. En Cabana outro minuto e bandeiras a medio astil, un día, e pouco mais, de momento. A min dame a sensación de que todos estes casos están demasiado de moda e tanta foto e tanta propaganda da a sensación de que non respeta nada as familias e os amigos/as de unha parte e da outra e que só procuran vender mais. Pois poida que, como en calqueroutro crime, hai moitas mais vítimas que a propia víctima. Respeto que nunca ten a prensa (especialmente a de papel) cando ocorre, por poñer outro exemplo, nun accidente de tráfico, e sitúan a foto do cadáver na portada do xornal... sen máis contemplacións. Fantástico. E hoxe eu quero falar doutro crime pasional. O crime daqueles que aman loucamente a Galicia e, de súpeto, deciden falar en castelán. Moitas veces cun moi marcado acento galego e con demasiadas expresións mixtas. Ese novo bilingüismo do castrapo. Moi curioso amar tanto a esta Terra e ao mesmo tempo agredila asi intentando malamente falar noutra fala foránea. Tamén temos que mencionar outro crime pasional en Cabana. Si. O que fixemos todos o permitir que as eléctricas plantasen tres eólicos xigantes, de cento cincuenta metros, xusto na cima do Camiño dos Faros, no mirador do Castelo de Lourido. Si. Xusto onde eu compuxen aquel poema de “alta paz que me asiste” en pleno monte Ghontón. Aos pés da miña ria atentarán contra a paisaxe que era precisamente o último de valer que ainda nos quedaba. Vexo decote como a xente abandona tuppers plásicos, bolsas e toda clase de porcalladas na beiramar e sigo sendo testemuño de “crimes pasionais” contra a nosa amada paraxe que hoxe fixeron famosa os medios por ese desgraciado suceso que non representa a Cabana nin reprenta a ningún cabanés.

• Óscar de Souto, pintor de follas en branco e autor de Trece Poemas.

Outros artigos de Óscar de Souto

• Anatomía do noso mar post-Prestige.
• O polbo costamorteño.
• Os cruceiros fecais, todo é unha cadea!!.
• A lenda das mariscadoras multimillonarias.
• Os segredos soterrados nas areas do Esteiro do Anllóns.
• Vínculos indestrutibles.
• Turismofobia: Cando o turismo é negativo.
• Caso Dunas de Laxe.
• A esencia das novidades.
• 17 de maio: Crónica dunha gran desfeita.
• Peregrinos de Autopista.
• A nosa sangue celeste.
• Descende o paro na Costa Morta.
• A creatividade costeira… florece na primavera.
• Mar de Fábula falará co mar nos coídos do Touriñán.
• O verdadeiros donos da Casa Republicana do Concello de Cabana.
• Buscando tesouros na praia de Laxe.
• A morte da Costa da Morte.
• Todos fomos ese neno labrego de Neira Vilas.
• Unha de cal e unha de area.
• Obscenidade, sexo e poesía.
• O Raio Vermello de Dombate.
• #12do12ás12: Galicia…. en pé de guerra.
• Con Laxe no punto de mira.
• Esta nosa Costa do Solpor.
• Brúan as vacas en Fisterra.
• A maxia dos sons ocultos.
• Carta aos amigos da radio libre.
• A puta conciencia.
• O rescate das gafas vermellas.
• Os Emperadores do mundo.
• Turismo de cantimplora.
• Os lobos feroces.
• En Laxe… os meniños escoitan cisnes.
• O Día das Letras… sen letras.
• Agora que as nosas casas son as casas do mar.
• Sen corpo para festas.
• Os timadores da bombona.
• Porcos e pienso.
• Alén dos nosos mares atlánticos.
• Con rumbo a porto esperanza.
• Crónica dunha morte anunciada.
• De vacacións a Suiza.
• Os laboratorios do verso.
• As nosas Rosalías.
• Esa amante secreta de Eduardo Pondal.
• O Dolmen de Dombate e o raio vermello do Solsticio de inverno.
• A envexa dos anxos e das prumas.
• Antón Borrazás, apagouse a túa luz.
• A cousa de Dombate… a debate.

Novas relacionadas

• Nova poesía para as ondas de radiONeria e Radio Roncudo con Óscar de Souto.
• Cabaneses que espallan cultura.

Fonte

• Redacción de QPC ([email protected]).