Impresionante coma sempre, a demostración musical do IES Parga Pondal. O Departamento de Música do centro carballés xa ten listo este vídeo do fantástico concerto celebrado no Pazo da Cultura de Carballo, tras un traballo tremendo do alumnado de música, que preparou o concerto con “esforzo, espírito colaborador e entusiasmo”.

O equipo docente quere agradecer un por un a cada equipo, o de batería, o de ilustración, as presentadoras, o equipo de son e imaxe, ademais dos propios músicos protagonistas. Nomes que podedes ver nos agradecementos da web do centro.