O IES Monte Neme de Carballo vén de conseguir o segundo premio do Concurso de Curtas Senda dos Faros, promovido pola Xunta, o Festival de Cans e EDPR. Un certame para poñer en valor a lingua, o patrimonio e a paisaxe da costa galega a través do audiovisual.

O primeiro premio foi para o IES Plurilingüe A Cachada (Boiro) co proxecto Sálvora.

A curta carballesa “De naufraxios, faros e lendas: do Cemiterio dos ingleses a Camariñas”, é unha viaxe pola noisa historia, que fai parada, no Cemiterio dos Ingleses. O centro recibirá 600€ para mercar material audiovisual ou literario en lingua galega.