Mércores. 19.06.2024
El tiempo

Muxía

Case 4 horas de pleno en Muxía e quedan asuntos sen tratar

Este pasado venres celebrouse un novo pleno no Concello de Muxía. Un pleno de 3,5 horas, ao que se achegou unha parte da veciñanza de Suxo cunha pancarta pedindo solucións á auga da traída. O pleno volveu convertirse nun circo de insultos, de condescendencia e descalificacións persoais e ás 0:00h da noite houbo que rematar deixando sen tratar os puntos das Rogos e Preguntas, e as mocións de Urxencia polo ROF.

A segunda fase Auga da traída Suxo si que saíu aprobada na modificación de crédito proposta polo PP, pero a veciñanza saíu do pleno pedindo "menos falar e máis obrar". Os puntos sen tratar quedarán para a orde do día do pleno seguinte:

Pancarta Auga Suxo-Muxia
A veciñanza de Suxo estivo presente con esta pancarta

Gastando o remanente

O pleno, entre monólogos e discursos cheos de xenreira, tratou a aprobación do Plan de Obras de Servizos da Deputación. Un POS que será destinado na súa totalidade (290.000 euros) a gasto corrente, igual que unha modificación de crédito solicitada de 700.000 euros. Unha situación grave para o BNG, que considera “que os cartos do POS e do remanente deberían de destinarse a financiar servizos e obras municipais de urxente acometida”, e que “supón unha merma importante do remanente destinado a gastos que terían que ser afrontados polo orzamento de 2023”.

Case 4 horas de pleno en Muxía e quedan asuntos sen tratar