O Concello de Santa Comba enmarca dentro do mes adicado ó "Día Internacional das Mulleres" unha montaxe de elaboración propia con testimonios de mulleres que traballaron na Mina de Varilongo no século pasado. "Tres Mulleres de Varilongo" son as simbólicas voces doutras moitas que cambiaron escola por mina, campo por wolfram e foron protagonistas dun dos momentos históricos más significativos do século XX.

María Ángeles Lois, María Domínguez e María Josefa Espasandín son as caras visibles de mulleres vivas e doutras que xa non están, que superaron numerosas dificultades para sacar familias enteiras adiante, poñendo en risco as súas vidas.

Este traballo, impulsado polo Centro de Información ás Mulleres, foi froito dunha colaboración interdepartamental, que nace para continuar recuperando "Historias de Vida" de xente da Terra do Xallas.