De estrea estivo a boa amiga de QPC Viki Rivadulla esta fin de semana. Nada menos que estreou, para os non vimianceses, a Sala de exposicións Antón Mouzo na Casa da Cultura, esa Sala que o Concello de Vimianzo ten artellada para promocionar os artistas locais, e xa comarcais.

Xa nolo conta ela mesma dende a súa Sala do Perello, i é que foi todo un pracer estrear o Bruar da Bughina, unha obra de pinturas e esculturas chea de mar, seguindo á liña da exposición "O Meu Mar". Foi o alcalde Manuel Antelo quen presentou a Mostra ata lendo un poema do irmán da artista, Rivadulla Corcón.
Viki deu ás gracia ao Concello vimiancés e valorou a súa aposta pola cultura, ao tempo que recordou a ese referente que foi Antón Mouzo, "aquel que fixo falar ás pedras da Costa da Morte"

E para presentar a mostra, Viki tirou da poesía, un deses seus amores non correspondidos, pois non escribe. E invitou a unha persoa, que malia que non a coñecía persoalmente, si sabía a conexión que os une: o mar. "Que pode haber máis auténtico que un poeta mariñeiro", dixo Viki para presentar a Xosé Iglesias.

Xosé Iglesias comezou precisamente cun poema que viña ideal: "O Bruar da Bughina, o son do océano", un poema que arrincaba e pechaba co son tan mariñeiro desa concha enorme en clave de dignificación da profesión.

Estivo tamén lendo os seus poemas Isidro Novo e as pandereteiras de Muxía puxeron a nota musica. I é que as pandereteiras son as mulleres de Viki, e xa sabemos que a muller é outra das loitas desta muxiá.

Así foi inaugurada a mostra, e Viki quixo adicarlla a María Lavandeira, a nai de Antón e Roberto Mouzo que estaba entre o público. A mostra estará exposta ata o 13 de decembro.

Novas relacionadas

• Viki Rivadulla estreou entre versos amigos a exposición do seu mar.
• Un berro pola pesca artesanal.
• Viki Rivadulla: O Bruar da Bughina a soar na Sala Antón Mouzo.
• Vimianzo ensalza a obra de Juan A. Cundíns, un novo artista local.
• Vimianzo vivíu unha emotiva fin de semana de pintura e teatro coa mostra de Chelo Lema.
• Vimianzo segue, co escultor Suso Fuentes, poñendo en valor aos artistas locais.
• Viki Rivadulla na Sala do Perello: Dos retratos de Antonio Nodar aos autorretratos dos nosos gobernantes.
• De London a Vimianzo co auto-retrato de Antonio Nodar.
• Xurxo Martiño demostra o potencial artístico vimiancés na casa.
• As escolas de Vimianzo comezan o seu programa cultural con Antón Mouzo.

Fonte

• A Sala do Perello de Viki Rivadulla.