Ao longo do mes haberá distintas actividades formativas en Vimianzo e en Camariñas Dentro do programa Pie Vier Fluvius 2016, arrancou o pasado mércores 5 de abril o curso de atención sociosanitaria en domicilios. O programa está impulsado polos concellos de Vimianzo e Camariñas e subvencionado pola Xunta de Galicia e o ministerio de Emprego e Seguridade Social. Esta acción formativa, orientada para persoas en situación de desemprego, conta cun total de 300 horas teórico-prácticas e terá unha duración de 3 meses. A aceptación foi notable, contando con 19 participantes dos concellos soneiráns. Entre finais do mes de marzo e comezos de abril de 2017, tamén deron comezo outras accións dentro do programa de emprego, tales coma a preparación para o permiso de conducir tipo B, que conta cun total de 13 participantes do PIE e que se desenvolverá ata o mes de xullo, e 2 obradoiros de desenvolvemento de competencias para a busca de emprego, que se levaron a cabo en Vimianzo e Camariñas, o 28 e 29 de marzo, e que acadaron máis de 40 participantes entre as persoas inscritas no programa. Están previstas máis accións desde as próximas datas e ata que o Vir Fluvius remate o 31 de agosto deste 2017, orientadas todas elas a mellorar a empregabilidade dos participantes do proxecto e de cara a acadar os obxectivos previstos. Este programa xa insertou a 17 persoas no mercado laboral nos últimos meses. Novas relacionadas

• O programa Integrado de Emprego de Camariñas e Vimianzo xa insertou a 17 persoas no mercado laboral

  Fonte

• Redacción QPC ([email protected])
• Concello de Vimianzo