A Buserana volve esixir medidas urxentes para saír da violencia de xénero

Cultura Costa da Morte

08:01 05/06/17

Non quere a organización feminista Buserana que os últimos acontecementos en clave de violencia machista queden no esquecemento. E para iso, volven saltar á palestra, denunciando de novo deixando claro que “da violencia de xénero podemos saír”. Desta volta foron dúas as mulleres acoiteladas que non se contabilizarán como víctimas xa que afortunadamente salvaron a vida.

A violencia machista vén de cobrar novas víctimas: dúas mulleres acoiteladas que non se contabilizarán coma víctimas xa que afortunadamente salvaron a vida, pero que, evidentemente son víctimas, e un bebé asasinado. Dende Buserana queremos mostrar a inmensa dor e impotencia que provoca atoparnos ante asasinatos que na súa extrema crueldade escollen ás persoas máis vulnerables, como son as crianzas.

E nós seguimos preguntando que pasa coas altas instancias ás que non pode molestarse con asuntos que non sexa o déficit, os cumprimentos europeos ou agochar as súas corrupcións. COMPRE FACERNOS OIR MÁIS QUE NUNCA.. E MAIS ALTO AÍNDA. QUE DESCULPEN… PERO NON QUEREMOS QUE NOS MATEN NIN MATEN AOS NOSOS FILLOS E FILLAS.
As vidas destas novas víctimas, teñen menos valor ca das víctimas de atentados terroristas?. Doenos esta morte fondamente. ESTANNOS MATANDO.

Señoras e señores políticos, MÓVANSE!!!!! Seguimos sen escoitar falar de reunión urxentes. Seguimos sen un pacto de estado contra o terrorismo machista. Non escoitamos comunicados condenatorios. Seguimos agardando iniciativas lexislativas e un plan estratéxico de educación.
Pero agora coa dor dunha vida menos.

Queremos tamén felicitar á muller que tan valentemente impediu que a agresión que se produxo nun bar acabara coa vida da muller acoitelada .

Porque todas somos unha e non podemos permitir nin unha vida menos, esiximos estas medidas xa, porque non imos dar nin un paso atrás na loita pola liberdade de todas as mulleres.