Comeza a ulir á festa da Carballeira en Zas. O paso previo a un dos festivais por excelencia da Costa da Morte arranca o vindeiro domingo cunha Semana Cultural organizada polo concello e que vén cargada de actividades para todos os públicos. Comeza ás 22 horas na praza do concello de Zas coa proxección dun documental sobre o accidente do Alvia en Angrois, “Frankenstein – 04155: ¿Que hai detrás do accidente ferroviario máis grave da democracia?” de Aitor Rei. Un obradoio de pintura na rúa con David Planas para nenos e nenas entre 5 e 12 anos; exposicións de bordado, tapicería e outras manualidades e un curso de iniciación ao baile tradicional da man do grupo Churía da A. C. Castro Meda de Zas serán as citas que teñan continuidade durante toda a semana. Na programación da Semana Cultural de Zas tamén haberá sesións de contacontos, música infantil e dous mológos da man de Pepe Capelán (luns ás 21:30 horas) e de Federico Pérez (mércores ás 21:30 horas). O baiés Jorge Mira presentará o martes día 2 o seu último traballo "A que altura está o ceo?". A cita terá lugar ás 21:30 horas no centro sociocultural de Zas. Xusto despois, a iso das 22:30 horas, o físico guiará unha visita nocturna ao Pico de Meda. Outra das citas fortes da Semana Cultural de Zas é un percorrido polo patrimonio do municipio, no  que os participantes vistarán Brandomil, Brandoñas, a Arca da Piosa, a santa de Muíño e Roma da man de Evaristo Domínguez e Xosé Mª Lema. A expedición sairá o xoves, ás 15:30 horas, e é preciso apuntarse para participar. Tamén o xoves, ás 21:30 horas, o auditorio de Zas acolle ás 21:30 hroas a obra "O día do Pai" de Malasombra Teatro. E despois dunha semana de intensa actividade cultural, o venres dará comezo a 33 edición da Festa da Carballeira con Mägo de Oz como protagonistas da noite. A sesión vermú, a mexilloada, a foliada e os concertos máis folk continúan o sábado. Consulta o programa completo aquí da Semana Cultural de Zas.

Máis información

• www.festadacarballeira.com.
• Facebook da Festa da Carballeira.
• Axenda Sonora da Costa da Morte.
• Axenda Costa da Morte.

Novas relacionadas

• 2016: 6 datas festivaleiras para este verán na Costa da Morte
• 2016: Unha Carballeira do máis viral
• 2016: Jorge Mira: “A tumbona que hai na terraza da miña casa é o meu lugar favorito para observar o ceo”
• 2013: 30 anos de folk e festa na Carballeira de Zas.
• 2012: A música e a troula puideron ca chuvia na Carballeira de Zas.
• 2012: Lupe Nieto: “Boa música sen troula non cabe na Carballeira de Zas”.
• Carballeira 2010: A Carballeira, a xornada máis festexeira.
• Carballeira 2009: A Costa enteira vivíu a festa do folk.
• Carballeira 2008: Zas mundializa o folk.

Fonte

• Redacción de QPC (info@quepasanacosta.com).
• Concello de Zas