Xoves. 24.09.2020
El tiempo

Obras na Casa do Concello da Laracha da man do Obradoiro de Emprego

Obras na Casa do Concello da Laracha da man do Obradoiro de Emprego

Os andamios tapan estas semanas a Casa do Concello da Laracha. E faino pola actividade obradoiro de emprego A Laracha V, o programa dual de formación e emprego promovido e financiado polo Concello e a Consellería de Economía, Emprego e Industria da Xunta de Galicia. Os 10 alumnos-traballadores da especialidade de pintura están a darlle unha man á Casa Consistorial, tanto por fóra como por dentro.

Unha vez completados os traballos previstos na Casa do Concello, o seguinte punto de intervención será o centro sociocultural de Paiosaco e, a continuación, os báculos de iluminación pública e as pistas polideportivas descubertas de O Vilar (Cabovilaño) e Cumiáns (Montemaior).
Mentres, a outra especialidade, a de carpintería de madeira, centra a súa actividade na renovación da pasarela do paseo fluvial do Anllóns.

comentarios