Mércores. 21.02.2024
El tiempo

A rapazada protagoniza o Entroido da Laracha

Cartel Programa Entroido Laracha 2024
A rapazada protagoniza o Entroido da Laracha

O programa municipal de entroido da Laracha abarca do domingo 11 ao mércores 14 de febreiro. As propostas van dirixidas a todos os públicos, pero especialmente ao infantil aproveitando as vacacións nos centros de ensino. 

O evento central será o tradicional concurso de disfraces do Martes de Entroido (13 de febreiro, festivo local na Laracha). A inscrición abrirase a o 1 de febreiro (xoves da próxima semana), e deberá formalizarse cubrindo o formulario que está dispoñible na web alaracha.gal e nas redes sociais municipais, ou ben acudindo á Casa do Concello. O prazo remata o 12 de febreiro ás 12:00 horas. O certame vai dirixido a todos os públicos e repartiranse máis de 3.000 euros en premios. Celebrarase na Praza do Concello (pavillón do IES en caso de condicións climatolóxicas adversas) a partir das 18:30 horas, no descanso da verbena que principiará ás 17:00 h e que estará amenizada pola Orquestra Los Satélites.

Festa de Entroido

O domingo 11 de febreiro pola tarde (17:30 a 20:30 horas) celebrarase a Festa de Entroido no pavillón do IES Agra de Leborís. Durante a xornada os nenos poderán desfrutar xogando nos inchables e tamén coa presenza dun DJ infantil que proporá coreografías e bailes. Ademais, repartiranse larpeiradas entre todos os rapaces que acudan disfrazados.

Espectáculo musical infantil-familiar

O programa completarase o mércores 14 co espectáculo musical infantil familiar de Picadiscos MariFaltri a partir das 17:30 horas no baixo da biblioteca da Laracha, con acceso libre e gratuíto ata completar a capacidade máxima da sala.

Servizo de conciliación

Cabe lembrar que o luns 12 e o mércores 14 de febreiro, os dous días laborables durante o Entroido na Laracha, o Concello tamén oferta o servizo de conciliación para as familias con nenos de 3 a 12 anos. En ambos casos será entre as 7:00 e as 14:00 horas nas instalacións do CEIP Otero Pedrayo. O prazo para solicitar dito servizo estará aberto ata o 5 de febreiro.

Máis citas do Entroido

 

Comentarios