A sinalización do Camiño dos Faros pasaría a ser a oficial coa homologación GR

Gran nova a que terá lugar este mediodía no pleno da Deputación da Coruña. A piques de cumplir xa 5 anos de vida, o Camiño dos Faros está a dar un paso fundamental para conseguir a consolidación, a eternidade. Dende decembro de 2014 leva a Asociación Camiño dos Faros intentando involucrar aos 9 concellos polos que pasa o sendeiro, á Deputación e á Xunta, nun mesmo equipo que pelexe pola homologación como “Ruta de Gran Percorrido GR”. E parece que o asunto colle forma.

Foron moitas reunións dende aquel 2014. Alí estiveron os trasn@s mantendo renións cos 9 concellos, a Diputación, a Xunta, técnico de carreiros, técnicos de conservación, asociacións turísticas… “todos receptivos desde o primeiro momento ao proxecto”. Todos receptivos pero pouco proactivos, quedando patente que de non ser pola sociedade civil, por eses bravos trans@s, un dos produtos turísticos estrella da nosa comarca non podería ser unha realidade.

En novembro de 2015 concellos e Deputación asinaban un convenio, que se corrobora este venres 27 de outubro do 2017 no pleno da Deputación da Coruña, o financiamento do 80% do proxecto presentado, e o apoio para levalo adiante, un total de 78.152 euros, para a realización dos estudos técnicos, definición, acondicionamento e sinalización dos sendeiros e a homologación da ruta coa Federación Galega de Montañismo.

Tocaralles de novo aos trasn@s, a sociedade civil, executar os estudos e traballos necesarios para dita homologación que están seguros vai cumprir o único fin para o que naceron: “Que O Camiño dos Faros exista e fágao moita xente co máximo respecto á natureza”.

Por que é fundamental a homologación GR

”Avalado polos técnicos de senderismo e medioambientaos correspondentes, este proxecto de homologación asegura uns estándares imprescindibles de seguridade, sinalización, mantemento e respecto á natureza”.

Iso si, os propios trasn@s xa lembran que aínda quedan dous pasos por dar: “primeiro, a homologación definitiva. E, segundo, a súa conservación para que o vexan así os netos dos netos dos nosos netos”.

 

Novas relacionadas

• O Camiño dos Faros xa se pode facer en bicicleta de montaña.
• Xaneiro 2017: A Xunta corrobora o seu compromiso para axudar a homologar o Camiño dos Faros como GR.
• Decembro 2016: O Camiño dos Faros cumpre 4 anos.
• Novembro 2016: O Camiño dos Faros, produto estrella na World Travel Market.
• Xuño 2016: Novo compromiso para homologar o Camiño dos Faros como Ruta de Gran Percorrido.
• Xaneiro 2016: Os pioneiros trans@s mapean o Camiño dos Faros coa tecnoloxía de Google.
• Decembro 2016: O Camiño dos Faros volve á TVE con Edu Soto.
• Novembro 2015: Os alcaldes únense á loita pola homologación do Camiño dos Faros como Sendeiro GR.
• Novembro 2015: A TVE é trasna de faro en faro.
• Xullo 2015: O Camiño dos Faros afía o seu proxecto como ruta de Gran Recorrido.
• Marzo 2015: Un milleiro de trasn@s toman de novo o Camiño dos Faros
• Decembro 2014: A Costa da Morte aposta unida por un Camiño dos Faros Ruta de Gran Percorrido.
• Decembro 2014: Por un futuro cheo de vida no Camiño dos Faros.
• Xullo 2014: 7 heroes completan o Ultratrail Camiño dos Faros.
• Abril 2014: Un ano de trasnos.
• Abril 2013: O Camiño dos Faros ábrese ao mundo.
• Febreiro 2013: Percorrendo a pé, e con Traski, o Camiño dos Faros da Costa da Morte.

O primeiro Camiño dos Faros por etapas (2013)

• 8ª etapa do Camiño dos Faros: Os trasnos remataron de unir a Costa da Morte polo Camiño dos Faros.
• 7ª etapa do Camiño dos Faros: O Camiño dos Faros non para.
• 6ª etapa do Camiño dos Faros: O Camiño dos Faros faise máis que real.
• 5ª etapa do Camiño dos Faros: A imaxinación vai a pé.
• 4ª etapa do Camiño dos Faros: O Camiño dos Faros xa non ten volta atrás.
• 3ª etapa do Camiño dos Faros: Os camiñantes vertebraron a Costa dende Ponteceso a Camariñas pasando polo Monte Pindo.
• 2ª etapa do Camiño dos Faros: Os camiñantes foron unha fin de semana máis os protagonistas.
• 1ª etapa do Camiño dos Faros: O Camiño dos Faros ábrese ao mundo.

Fonte

• Redacción QPC ([email protected])