Venres. 06.12.2019
El tiempo

A Xunta aproba o parque eólico de Mouriños a pesar de contar con máis de cen alegacións

A Xunta aproba o parque eólico de Mouriños a pesar de contar con máis de cen alegacións
Proxecto Eolico de Mourinos-Cabana Representación virtual do Proxecto Eólico de Mouriños, situado no concello de Cabana, e parte de Zas

O proceso de tramitación fragmentada para evitar trabas medioambientais, o impacto sobre o esteiro do Anllóns e unha ave protexida, unha polémica liña de evacuación, o baixo canon que recibirán os Concellos afectados, ou  os dous elementos arqueolóxicos catalogados afectados, non foron razóns suficientes para que a Xunta axilice a aprobación do parque eólico Mouriños.

O parque promovido por Renovables Aragón, S.L.U. (filial de Endesa), que afecta ao Concello de Cabana e tamén ao de Zas, xa conta coa autorización administrativa previa e de construción, aproveitando a polémica Lei de fomento da implantacións de iniciativas empresariais en Galicia, chamada por moitos colectivos sociais como Lei de depredación de Galicia.

Todo a pesar das máis de cen alegacións presentadas por veciños, asociacións ecoloxistas, patrimoniais e mesmo doutra compañía eléctrica, e de que a Unión Europea estea investigando a posible frangmentación do que podería ser un só proxecto industrial, o que formarían os parques de Mouriños e de Catasol II, en Laxe.

As costeiras Salvemos Cabana, Asociación Autonómica Cultural e Ambiental Petón do Lobo, Asociación Ambiental Cova Crea, Asociación Amigos e Amigas dos Bosques «O Ouriol do Anllóns» teñen presentado as súas alegacións, así como a Sociedade Galega de Historia Natural, Asociación ecoloxista Verdegaia, ADEGA ou o Partido Ecoloxista Equo Galicia.

Tamén os partidos de En Marea ou o BNG denunciaron a execución deste proxecto e aseguraron que este é "o exemplo perfecto dun modelo pensado para beneficio das grandes eléctricas, alleo ao desenvolvemento económico local, mesmo contraproducente, que non pagará nin un euro de canon eólico”.

Miradoiro do Pico de Sinde ao Esteiro do Anllons-Foto-Salvemos Cabana Vistas do Esteiro do Anllóns dende o que o Miradoiro do Pico de Sinde, afectado polo parque eólico de Mouriños-Foto-Salvemos Cabana

Novas relacionadas

https://quepasanacosta.gal/o-parque-eolico-de-mourinos-pon-en-risco-o-turismo-sostible/ https://quepasanacosta.gal/novas-e-cruas-criticas-a-afectacion-ambiental-do-proxecto-eolico-de-mourinos-e-a-actuacion-ao-respecto-do-alcalde-cabanes/

Máis novas eólicas

https://quepasanacosta.gal/a-vecinanza-de-coristanco-carballo-e-santa-comba-desafiou-aos-eolicos-e-ao-temporal/

Comentarios