Tras repasar as alegacións presentadas por Verdegaia en contra da Mina de Corcoesto, hoxe recibimos a posición de ADEGA, que xa tivo algún encontronazo ca prensa sobre este asunto.
ADEGA vén de presentar alegacións ao proxecto mineiro de ceo aberto.

Para comezar, considérao un "megaproxecto mineiro que minimiza os custos de produción a base de tecnoloxas obsoletas e contaminantes, pensado para maximizar os beneficios das multinacionais mineiras e os seus investidores no mercado especulativo do ouro. En troques, socializa os custos ambientais de ocupar máis de 700 ha con cortas a ceo aberto, balsas e escombreiras, alén dos riscos de usar millóns de litros de cianuro, cun nulo impacto sobre o tecido produtivo galego. Un proxecto máis propio da época colonial, ao que a Feijóo pretende concederlle dereito de pernada sobre o territorio e adxudicarlle subvencións directas mediante a declaración de "interese estratéxico".

A postura da entidade medioambientalista parece clara., Por exemplo, destaca que "a extracción redundará no incremento dos activos desta multinacional, que cotiza na Bolsa de Toronto", e nunca, na zona. Critican ademais a "compoñente especulativa" do ouro.
Fala tamén do perigo da sismicidade na zona, algo ata agora non prantexado.
E así, ata 9 puntos recolle a entidade nas súas alegacións e pide, ademais da súa posible anulación, que non sexa considerado Proxecto Estratéxico.

Máis información

• ADEGA: Mina de ouro de Corcoesto: beneficios para algúns, cianuro para todos.

Novas relacionadas

• A febre do ouro exténdese a Zas mentres denuncian irregularidades no proxecto de Corcoesto.
• Os fumigadores si andan pola Costa.
• 1.300 sinaturas presentadas contra a Mina de Ouro de Corcoesto.
• A mina de Corcoesto chega ao Parlamento.
• Os veciños da Plataforma de Corcoesto denuncia prácticas intimidatorias do alcalde cabanés.
• Denuncian as falsas expectativas de emprego da mina de ouro de Corcoesto.
• A mentira das palabras máxicas .
• 04-05-12: Creada unha Plataforma contra a Mina de Ouro de Corcoesto.
• 12-03-12: Accidente laboral na mina de ouro Corcoesto.
• ADEGA espera para valorar o impacto da Mina de ouro de Corcoesto e enfróntase con La Voz.
• A mina de ouro de Corcoesto axiliza a súa posta en marcha co apoio das administracións e oposición dos ecoloxistas.
• O ouro de Corcoesto non brilla tanto.

Fonte

• Redacción de QPC ([email protected]).
• ADEGA.