As visitas escolares son, sen dúbida, unha das grandes potencialidades dun dos puntos máis importantes da arqueoloxía galega. E para seguir convertindo o Dolmen de Dombate nun foco de atracción, o Centro Arqueolóxico presenta un novo Espazo Didáctico: “Segredos do Neolítico”.

Segredos do Neolítico, é un proxecto de educación patrimonial no que se propón aos centros escolares que adiquen unha xornada a coñecer dunha maneira lúdica e didáctica este lugar emblemático da historia da arqueoloxía de Galicia. O proxecto consta dunha variada programación didáctica no que se atopan visitas guiadas e obradoiros didácticos de balde, sendo todas as activiades adaptadas ás necesidades específias de cada ciclo educativo: E. Infantil, E. Primaria, E. Secundaria e Bacharelato así como a ciclos de Educación Especial, Formación Profesional e Educación de Persoas Adultas.

Xunto con esta programación, inaugurase o Espazo Didáctico: unha recreación dunha escena domestica do Neolitico. Trátase dunha iniciativa innovadora orientada a complementar os contidos do Centro arqueolóxico do Dolmen de Dombate. Neste espazo, as alumnas e alumnos poderán comprender diferentes aspectos dos modos de vida no Neolítico así como algúns sistemas de produción da cultura material relacionada co Megalitismo.

Situado no Local Social de Borneiro, é unha iniciativa financiada polo concello de Cabana de Bergantiños coa colaboración da Deputación da Coruña e deseñada e producida por Galipat Servizos Culturais S.L.
Á presentación contou coa asistencia do deputado provincial de Contratación, Patrimonio e Equipamento, Xesús Soto Vivero xunto ao alcalde de Cabana de Bergantiños, José Muíño Dominguez, e a cordinadorade de didáctica de Galipat Servizos Culturais Beatriz Gómez-Arribas.

Novas relacionadas

• Marzo 18: Os gravados do Dolmen de Dombate, escaneados para coñecer o seu estado de saúde.
• Xaneiro 2018: Dombate roza os 30.000 visitantes en 2017.
• Xuño 17: O Dolmen de Dombate recibe case un millar de escolares cada mes.
• Setembro 2016: O Dolmen de Dombate, premio do Clúster da Madeira e o Deseño de Galicia á sustentabilidade
• 14-01-16: Dombate volve co seu guía.
• Óscar de Souto: Unha de cal e unha de area en Dombate.
• 10-12-15: Comeza o control das pinturas do dolmen de Dombate.
• Un capítulo de Herdeiros pola Forza: Dombáter.

Fonte

• Redacción de QPC (info@quepasanacosta.com).