Luns. 09.12.2019
El tiempo

Os veciños de Canduas maniféstanse contra as expropiacións en favor dos “amigos” do alcalde

Os veciños de Canduas maniféstanse contra as expropiacións en favor dos “amigos” do alcalde

Este vindeiro sábado 23, a partir das 11:30h, os veciños de Cabana van realizar unha concentración pacífica diante da Casa do Concello. A Asociación de Veciños Fonte, de Canduas, chama a toda a veciñanza a protestar polas expropiacións forzosas que está realizando o Concello, supostamente para favorecer novas construcións.

Unhas expropiacións que o presidente da entidade Fernando Garcia Varela, tilda de “espolio urbanístico”, e de aí que chame á mobilización en solidariedade coas familias afectadas.

Segundo explica García Varela, “a golpe de acordo plenario está expropiar terreos á veciñanza no lugar das Revoltas (Canduas), para dotar de acceso a chalés que non o teñen, que nacen froito da especulación urbanística e de infrinxir o PXOM. Xa non se lle debería ter dado licenza de obra no seu momento, porque non ten accesos e non reunía os requisitos necesarios para ser edificada”, explica.

Os veciños levarán un par de pancartas que piden ademais a dimisión do alcalde: “Non á expropiación a favor dos amigo” e “Non ao espolio urbanístico”.

Novas relacionadas

Comentarios