Coñecida polos seus libros que encantaron a lectores de todas as idades, a nosa meirande embaixadora bergantiñá no corazón de Europa, Alejandra Plaza, aventurouse recentemente nun proxecto emocionante en terras afastadas. Nun espírito de celebración da tradición galega do Samaín, a autora emprendeu unha experiencia inesquecible con máis de 200 nenos en Zurich, Suíza.

O Samain é unha festa celta que marca o inicio do período escuro do ano e a transición ao inverno. En Galicia esta celebración é especialmente querida e a autora galega é coñecida pola súa forte vinculación coas raíces culturais da súa terra natal. Por iso decidiu levar un anaquiño de Galicia a Zúric.

O centro comercial Letzipark converteuse no escenario desta apaixonante actividade que atraeu a máis de 200 nen@s e as súas familias. Alejandra Plaza organizou un obradoiro especial para os pequenos participantes. A misión: crear cabazas decorativas para a noite do 31 de outubro, a máis terrorífica do ano, e darlle un toque galego á celebración suíza de Halloween.

​A actividade comezou cunha breve charla na que o autor compartiu a historia e o significado do Samaín na cultura galega. Os nenos, con ganas de aprender e divertirse, escoitaron con atención. Despois, mergulláronse no apaixonante mundo da artesanía. Con cabazas, pintura e moita creatividade, os pequenos artistas deron renda solta á súa imaxinación. Escullaron rostros fantasmagóricos, pintaron motivos celtas e deseñaron patróns únicos que mesturaban elementos da cultura galega coa tradicional celebración de Halloween. Foi un momento máxico, no que historia e creatividade se xuntaron para dar vida a cabazas únicas e fermosas.

“A tradición do Samaín é parte esencial da identidade de Galicia e compartila co público suízo demostra a universalidade das tradicións e a importancia da diversidade cultural. A maxia do Samaín non coñece fronteiras. É un recordatorio de que as nosas tradicións e a nosa creatividade poden unir persoas de todo o mundo. Celebrar xuntos estas festas foi unha experiencia verdadeiramente especial”, declarou a brigantina.

Plaza demostrou unha vez máis que a tradición e a creatividade poden traspasar fronteiras e unir á xente nunha celebración común.

MÁIS ARTIGOS DE ALEJANDRA PLAZA DENDE A DIÁSPORA

• Unha Viaxe Musical e Gastronómica aos Alpes Berneses co Grupo Delémont Celtic Galiza
• A Expo Taxi Compostela une Galicia e o Jura en Delémont a través da emoción
• Xubílase Jesús Gómez Antelo: Da emigración á política, unha vida adicada á xustiza social e aos dereitos laborais
• Exitoso debut do Festival da Transición en Delémont coa participación do Grupo Galiza Celta.
• A Irmandade Galega en Suíza estreitou os lazos culturais na investidura do primeiro alcalde galego no país helvético.
• A DIÁSPORA LEVA POR EUROPA A TRADICIÓN DAS SARDIÑADAS DO SAN XOÁN.
• Galiza Celta de Delémont sorprende ao público no festival Slow Up Jura Agglo'balade en Suíza