A Xunta aproba o parque eólico de Mouriños a pesar de contar con máis de cen alegacións
Representación virtual do Proxecto Eólico de Mouriños, situado no concello de Cabana, e parte de Zas
O proceso de tramitación fragmentada para evitar trabas medioambientais, o impacto sobre o esteiro do Anllóns e unha ave protexida, unha polémica liña de evacuación, o baixo canon que recibirán os Concellos afectados, ou os dous elementos arqueolóxicos catalogados afectados, non foron razóns suficientes para que a Xunta axilice a aprobación do parque eólico Mouriños.
O parque promovido por Renovables Aragón, S.L.U. (filial de Endesa), que afecta ao Concello de Cabana e tamén ao de Zas, xa conta coa autorización administrativa previa e de construción, aproveitando a polémica Lei de fomento da implantacións de iniciativas empresariais en Galicia, chamada por moitos colectivos sociais como Lei de depredación de Galicia.
Todo a pesar das máis de cen alegacións presentadas por veciños, asociacións ecoloxistas, patrimoniais e mesmo doutra compañía eléctrica, e de que a Unión Europea estea investigando a posible frangmentación do que podería ser un só proxecto industrial, o que formarían os parques de Mouriños e de Catasol II, en Laxe.
As costeiras Salvemos Cabana, Asociación Autonómica Cultural e Ambiental Petón do Lobo, Asociación Ambiental Cova Crea, Asociación Amigos e Amigas dos Bosques «O Ouriol do Anllóns» teñen presentado as súas alegacións, así como a Sociedade Galega de Historia Natural, Asociación ecoloxista Verdegaia, ADEGA ou o Partido Ecoloxista Equo Galicia.
Tamén os partidos de En Marea ou o BNG denunciaron a execución deste proxecto e aseguraron que este é "o exemplo perfecto dun modelo pensado para beneficio das grandes eléctricas, alleo ao desenvolvemento económico local, mesmo contraproducente, que non pagará nin un euro de canon eólico”.
Vistas do Esteiro do Anllóns dende o que o Miradoiro do Pico de Sinde, afectado polo parque eólico de Mouriños-Foto-Salvemos Cabana
Novas relacionadas
https://quepasanacosta.gal/o-parque-eolico-de-mourinos-pon-en-risco-o-turismo-sostible/ https://quepasanacosta.gal/novas-e-cruas-criticas-a-afectacion-ambiental-do-proxecto-eolico-de-mourinos-e-a-actuacion-ao-respecto-do-alcalde-cabanes/- Xaneiro 18: Denuncian a tramitación fragmentada do Estudo de Impacto Ambiental dos proxectos eólicos de Cabana e Laxe.
- Decembro 17: A Xunta autoriza o Parque Eólico de Catasol II en contra do pobo de Laxe e pendente da UE.
- Outubro 17: A Costa da Morte tamén berro o #NuncaMáis contra a Lei de Depredación de Galicia.
- Agosto 17: A liña de evacuación do parque éolico de Mouriños tamén levanta polémica.
- Agosto 2017: Critican que Gas Natural non contemple dispositivos de protección de aves nos novos proxectos eólicos.
- Agosto 2017: O parque eólico de Laxe chega ao Parlamento Europeo.
- Agosto 2017: Adega tamén lamenta o baixo canon que recibirán os Concellos dos proxectos eólicos de Cabana e Laxe
- Agosto 2017: O Manifesto de Laxe contra os eólicos.
- Agosto 17: O proxecto eólico de Mouriños afectaría a dous elementos arqueolóxicos catalogados.
- Xullo 2017: A Xunta acelera dous parques eólicos en Laxe e Cabana pese a forte oposición.
- Xullo 17: O novo proxecto eólico Mouriños ameaza o esteiro do Anllóns e unha ave protexida.
- Decembro 2016: O Concello de Laxe e as asociacións ratifican o seu rexeitamento aos eólicos.
- Decembro 2016: Un castelo medieval contra a invasión dos viraventos en Laxe.
