A praia do Lago de Camariñas quedou un pouco máis limpa, gracias á limpeza protagonizada polo voluntariado de Mar de Fábula esta fin de semana. En pouco máis dunha hora de traballo, 14 persoas rescataron 39 kg de lixo mariño que non voltarán contaminar.

Debido a súa localización e ao comportamento de correntes e mareas, este fermoso areal actúa como recolledor dunha pequena parte do lixo que chega ao mar. 

Entre o recollido, destacan/lamentan a presenza de moitos produtos hixiénico-sanitarios procedentes do primeiro mal uso do retrete como cubo do lixo e das posteriores descargas das depuradoras que presisan unha urxente revisión e modernización na súa función. Pero tamén chegaron multitude de anacos de cordas e cabos de pesca, así como tapóns de botellas, bidóns e doutro tipo de envases.

Con todo, a familia de mar de Fábula adicoulle esta limpeza á Doutora Jane Goodall, falecida o pasado 1 de outubro. "Persoa referente no coidado da natureza até o final mesmo da súa vida e que nos deixa un legado no que apoiarnos para continuar na loita por un mundo mellor".

Máis novas