Continúa medrando o proceso de recuperación electrónica do Encaixe de Camariñas. E se xa está metido de cheo na moda internacional, o seguinte pode ser un paso espectacular para a súa promoción. I é que formar parte da familia Inditex pode ser o mellor escaparate a nivel internacional para o Encaixe e a súa Mostra. O alcalde de Camariñas mantiña este pasado mércores 22 de decembro a primeira reunión de 2 horas coa empresa máis importante do mundo en materia de confección, que non é outra que Inditex. O alcade amósase moi satisfeito trala xuntanza e agarda que á volta do Nadal empresa e concello retomen o contacto para desenvolver toda a potencialidade do encaixe.

Produto de alta gama

A empresa Inditex manifestou o seu interese na aplicación do encaixe nunha serie de produtos de moda de alta gama, nada menos. I é que encaixe está de moda e a Costa da Morte ten que aproveitalo economicamente. Como sigamos así, teremos que poñer a palillar día e noite ás máis de 500 palilleiras que participan nas Xuntanzas anuais...

Novas relacionadas

• Relatos da Costa, Un século máxico: Hoxe: Encaixe (Camariñas, 1.999).
• O encaixe ponse de gótico.
• Camariñas abre un Programa de promocion do traballo cooperativo e comercializacion do encaixe.
• Escoitando ás palilleiras e o liño.
• A cara máis sensual do encaixe.
• O Encaixe de Camariñas chega ao certame de Miss España.
• O encaixe une Galicia e Cataluña.
• "Outros fíos na rede" leva a artesanía camariñá á rede.
• O encaixe tamén se inclúe nos paquetes turísticos.
• A auga groumet de Cabreiroá vístese de encaixe.

Fonte

• Radio Nordés - Cadena Ser.