Casa de Man de Camelle antes e despois da restauración

Dunha “ruína ancorada nun tempo glorioso que xa non existía”. Dunha “casa espida de toda a súa significación corrompida polos anos de abandono e traxedias, enferma dunha soidade da que outrora careceu”. A unha casa con personalidade, con espírito, con arte.

Rematou o creación do Museo de Man en 2015, que alberga ducias das súas obras, quedaba recuperar a súa obra máis auténtica, a súa propia casa.

Vidrios renovados da casa de Man de Camelle

A obra, ademais do evidente polo seu exterior cunha “reintegración cromática que devolve o espírito e vida a esa casa xa cansada de esperar tempos mellores”, tamén se levou a cabo unha reestruturación “física e tamén emocional”. Curiosa é a restauración dos vidros do pequeno habitáculo a base de crebas, que permite ver moitas cousas no interior, como estrelas ou o mesmo arco da vella. A obra recuperou ademais o teito (xa non é un perigo adentrarse na casa, o chan e varias estanterías.

Agora queda convencer aos veciños que Man era un artista, máis que un anacoreta.

Pero así e todo, aínda non está todo feito, nin moito menos. Pendentes quedamos aínda para ver reverdecer ese xardín de pedras que fixo arredor da súa casa, xa no mar de Camelle, e tamén da colocación das súas cinzas nunha furna no interior da casa, que podería ser a finais de xaneiro.

Entrega da obra de rehabilitacion da Casa de Man de Camelle o pasado decembro, con Juan Carlos Canosa, os arquitectos Juan Creus e Covadonga Carrasco e os representantes da empresa de construción Messi, o xerente José Bemposta e o restaurador Jonathan Balbuena

Novas relacionadas

• Novembro 17: “Vai cambiar moito a imaxe da Casa de Man”
• Novembro 17:#15anosdoPrestige: “É mellor pensar foi unha película que se rodou aquí”.
• Abril 17: A USC e o concello de Camariñas únense para estudar o legado documental de Man.
• Novembro 16: Aprobado, por fin, o proxecto de rehabilitación da Casa do Alemán de Camelle.
• Xaneiro 2016: Camariñas poderá rehabilitar a Casa de Man de Camelle.
• Xuño 2015: Un Museo para as libretas de Man.
• Abril 2015: Man de Camelle ten a súa estatua.
• Maio 2015: Obradoiros MAN: O crebeiro artista.
• Maio 2015: Obradoiros Mar, Arte e Natureza para recuperar a base de creatividade o legado de Man.
• Abrio 2015: Man de Camelle ten a súa estatua.
• Decembro 2014: Man de Camelle xa ten o seu proxecto de rehabilitación.
• Decembro 2011: Os voluntarios da Fundación Man de Camelle protestan ante a impasibilidade das administracións cunha velada.
• Setembro 2011: Fotodenuncia: O Museo de Man, en coma.
• Lorena en Verde: Man de Camelle.

Fonte

• Redacción de QPC ([email protected]).
• Museomandecamelle.