O Rebumbio da Costa comezará a faserse oír con concertos en Camariñas e Corcubión
Presentabamos en sociedade hai un par de semanas a “Rebumbio na Costa Asosiación Cultural”. Unha proposta que nace para que a música, feita na Costa da Morte, volva soar nas salas da volta, e para seguir loitando contra a ditadura da verbena.
E xa teñen data para os concertos de presentación. Se ben aínda falta algunha confirmación, os primeiros concertos serán o sábado 8 de marzo en Aldea Madeira, Camariñas; e o sábado 22 de marzo na Cola da Rá de Corcubión.
Será un bo momento para, ademais de escoitar a música da zona, tomar nota de todas as actividades que están a propoñer dende a asociación, que arrincarán no mes de abril con clases de técnica, un club para cativos, talleres, ou mesmo master class. De feito xa invitan a facerse socio para poder disfrutar das súas propostas e botar unha man para sacar adiante a entidade.
Concertos de presentación
A primeira posta en escena da asociación será o sábado 8 de marzo, en pleno enterro dos entroidos, e se fará a partir das 23:00h nas esquecidas e recuperadas para a ocasión instalacións de Aldea Madeira. Estará o Leö Kch co seu rap costeiro, acompañado por Dj Kras. Estará tamén o grupo santiagués Tungsteno e os sarrianos Licor Café Rock Band.
Para a cita do sábado 22 de marzo en Corcubión, teremos a "Patxaranga", banda formada por varios grupos do coruñés rumbeiro Chotokoeu, acompañados dos "Duendes Escapaos" emais "The Fe Kaos".
Actividades
Máis información
Novas relacionadas
- Ata o 26 de febreiro, aberto o prazo para solicitar actuacións na Rede Cultural da Deputación.
- Un Rebumbio para dinamizar a música na Costa da Morte.
- De premio, a gravación dun disco.
- Valarés prepara xa o seu festival de reencontros.
- Mazaricos porase no panorama electrónico europeo co Fermaz Festival.
- Leö Kch berra en silencio polo Monte Pindo.
Outras novas festivaleiras
- Escolma de bandas costeiras – A Axenda Sonora da Costa da Morte segue crecendo.
- Verbena galega, outro xeito de facer festa con música do país.
- A música ghalegha daghora está “On the road”.
Fonte
- Redacción de QPC (info@quepasanacosta.gal).