Venres. 27.11.2020
El tiempo

A música ghalegha daghora está “On the road”

A música ghalegha daghora está “On the road”
Galicia onthe Road

Chega un tremendo de espectáculo itinerante que os organizadores de festas da Costa da Morte xa poden achegarnos. Galicia on the Road é o auténtico Dream Team do panorama musical actual galego que pretende convertirse nunha xira continua, que promocionaremos na Axenda Sonora da Costa da Morte.

A idea é que os Concellos, Asociacións e demais organizadores de festas do país poidan programar unha xira, un concerto, un serie de citas coas mellores bandas do panorama musical actual. Co obxectivo claro de revolucionar e mudar o concepto que temos de festa, o Galicia on the Road aposta pola calidade artística e por unha coidada produción.

Bandas punteiras nos seus respectivos estilos, sen complexos e dispostas a rachar con todo! Quen solicite unha parada do Galicia on the Road na súa vila poderá escoller catro bandas de entre as seguintes para conformar o seu propio espectáculo: Niño y Pistola,Dios Ke Te CrewNovedades CarminhaO Sonoro MaxínTerbutalinaFalperrys,The CorneliusHolywaterSésDakidarríaFamilia CaamagnoIgloo... O mellor do mellor!

Máis información e contacto de Galicia On the Road

A organización xestiona por completo todo o evento: desde a contratación dos artistas e do persoal, pasando polo escenario, o son e a iluminación; ata a promoción (medios de comunicación, redes sociais, deseño personalizado de carteis e flyers...). Cada unha das paradas do Galicia on the Road implica o traballo de máis de 50 persoas e, ademais, todas as entidades que forman parte do Galicia on the Road son 100% galegas.

Máis información

Novas festivaleiras

Fonte

  • Concello de Carballo.

comentarios