Poucas son as salas que na Costa da Morte traballan o concepto concerto. I é que o inverno é moi, moi longo. E cos apenas 12 festivais da Axenda Sonora da Costa da Morte non chega para saciar a sede de música dos milleiros de amantes do guitarreo.

E precisamente para iso, para saciar esa sede e que poidamos ver máis concertos na bisbarra, nace "Rebumbio na Costa Asosiación Cultural". Nace tamén co obxectivo de impartir clases de diversos ámbitos cun profesorado voluntario e promover a música e as artes con concertos talleres. Fomentando a creación, vaia.

Xa están armando unha escola, e pensan nunha lista de concertos periódicos, jam sessions, exposicións, etc... que sirva para seguir loitando contra a ditadura da verbena.

A posta en escea aínda non ten data, pero si idea. Un "festivaliño xeitoso" para dar a coñecer a asociación con grupos que participen voluntariamente, que prantexan para os vindeiros meses. E bandas costeiras sabemos que hai e moitas.

Xa teñen ubicacións posibles, como aproveitar as fantásticas (e en desuso) instalacións de Aldea Madeira, en Camariñas, coa intención de facer unha especie de xita por toda a bisbarra, contando por exemplo coa Capela de corcubión, e outros emprazamentos semellantes.

Así que se vos gusta a música, non dubidedes en poñer o voso gran de area neste proxecto colaborativo.

Máis información

• Facebook da "Rebumbio na Costa Asosiación Cultural".

Novas relacionadas

• Mazaricos porase no panorama electrónico europeo co Fermaz Festival.
• Escolma de bandas costeiras – A Axenda Sonora da Costa da Morte segue crecendo.

Outras novas

• Verbena galega, outro xeito de facer festa con música do país.
• A música ghalegha daghora está “On the road”.

Fonte

• Redacción de QPC ([email protected]).