En plena noite, e no medio da natureza, onde mar e monte se unen, cada ano dende xa hai 4, celébrase unha fermosa e emotiva homenaxe. Xa van 122 que o buque inglés Serpent, naufragaba na Punta do Boi, preto do Cabo Vilán en Camariñas. Un accidente que lle costaba a vida a 173 ingleses, e do que só salvaron 3 mariñeiros.
A resposta da veciñanza camariñá naquel 1890 fixo merecedora de ducias de presentes da realeza británica. Unha das cousas que máis valoraron dende aló foi a rápida construción do Cemiterio dos Ingleses, lugar hoxe de culto para milleiros de turistas europeos, e que a pasada noite do sábado 10 de novembro acollía mística homenaxe.

Ducias de persoas achegábanse ás 22:30h, hora do naufraxio, ata o mesmo cemiterio. A escuridade era a protagonista, pero os corazóns, e os violíns, iluminaron o acto.
Este ano a presencia literaria, que habitualmente copaba Juan Campos Calvo Sotelo, foi reemprazada por Rafael Lema, unha vez que o escritor santiagués non puido achegarse. Pero así e todo, deixou redactado un escrito para que Lema procedese á súa lectura, coa presencia do alcalde camariñán Manuel Valeriano Alonso, Pichurri, e a concelleira Mari Carmen Linares, de outro dos grandes valuartes, xunto a Campos, deste acto, o laxense José Manuel Pato Gonzalez, Delegado en Galicia e Director Nacional da Área de Pesca da Real Liga Naval Española.

Trala sentida lectura por parte de Rafael Lema, e a ofrenda floral, Antonio Rumbo Vidal colleu o violín para poñer os pelos de punta aos asistentes co seu violín. A memoria dos finados invadíu cada alma, igual que cando cantaron as mulleres do “Coro Municipal de Abrandares de Camariñas”, que prestaron as súas voces neste acontecemento.

Aquí vos deixamos cun vídeo de Rumbo Vidal, para que comprobedes a emotividade do momento.

Novas relacionadas

• Costa da Morte, marco perfecto para o Necroturismo.
• Homenaxe ao Serpent 2011: Unha homenaxe ao Serpent desafiando o temporal.
• Homenaxe ao Serpent 2010: Unha ollada dende dentro á homenaxe polo 120 aniversario do Serpent .
• Homenaxe ao Serpent 2010: A conmovedora homenaxe ao Serpent xa é unha referencia na Costa da Morte.
• Homenaxe ao Serpent 2009: Sembrando os cimentos dunha homenaxe aos mortos do mar.
• Homenaxe ao Serpent 2008: O Cemiterio dos Ingleses acolleu unha romántica homenaxe aos mortos do mar.

Recunchos da Costa

• O Cemiterio dos Ingleses.

Artigos relacionados

• Unha reportaxe en vídeo sobre o Naufraxio Serpent.
• Unhas pequenas notas sobre o Serpent e a Costa da Morte con Juan Campos.
• A Costa da Morte non existe, por Juan Campos.
• Juan Campos: "El hombre que enseñó a navegar al regatista Pedro Campos".
• Naufraxio do Liverpool: Retrato dun capitán suicida, por Juan Campos.
• Juan Campos: "El hombre que enseñó a navegar al regatista Pedro Campos".

Fonte

• Redacción de QPC ([email protected]).