1,5M para a reforma do Centro de Sementes Forestais de Galicia, o Sequeiro de Carballo
19:54 09/06/26
O Centro de Sementes Forestais de Galicia, o SEMFOR é toda unha referencia no sector forestal. Este centro, denominado tradicionalmente Sequeiro de Carballo, traballa os froitos e sementes das principais especies arbóreas para o seu subministro, cun prezo público, a viveiros de toda Galicia, ademais de destinar pequenas cantidades de semente para proxectos de rexeneración, educación forestal, investigación e divulgación.
Para mellorar este servizo fundamental, a Consellería do Medio Rural destina 1,5 millóns de euros á súa reforma, acondicionamento e mellora deste edificio situado en Bértoa.
A Xunta considera necesario contar cun material forestal de reprodución de alta calidade xenética que permita ás especies forestais prosperar nun medio condicionado por factores coma o cambio climático ou as enfermidades e doenzas.
