O respecto ás Píllaras das Dunas, esa simbólica especie de ave en perigo de extinción, está medrando nos últimos anos na comarca. Cada son máis as xentes que veñen ver os seus protexidos niños e os que dan a alarma cando hai animais ou algún salvaxe molestando o seu proceso de cría.

E para servir de exemplo do turismo sustentable que significa o noso litoral, Carballo vén de instalar unha píllara de ferro e vimbio na explanada entre Razo e Baldaio. Unha poderosa escultura realizada polo grupo de veciños e veciñas do obradoiro de cestaría impartido por Idoia Cuesta que cubriron con vimbio o “esqueleto” de ferro deseñado e construído polo artesán Fabián Lage.

A píllara representa a importancia de recoller o lixo (de feito é en si mesma un contedor de plásticos), de protexer os ecosistemas dunares e a contorna litoral, e de promover un turismo responsable e sustentable, na liña do Carballo 2030.

Novas relacionadas

• A crise climática chega aos Concellos da Costa a través dun grupo de mestres #Teachersforfuture.
• Algunhas cifras da #Axenda2030 carballesa.
• Carballo, o único Concello que utiliza a palabra sostibilidade.