Milagros Otero, Valedora do Pobo Milagros Otero Parga, Valedora do Pobo, visita hoxe Carballo. Ás 12 horas terá unha recepción na Alcaldía e pola tarde, de 16:30 a 18 horas, terá un encontro aberto a toda a cidadanía no Fórum Carballo. “É o meu desexo escoitar ás veciñas e veciños de Carballo e afondar en coñecer as súas queixas e peticións”, explica a Valedora do Pobo nunha carta de convite para a xuntanza que remitiu - a través do concello - ao movemento asociativo. Nesa mesma misiva, Milagros Otero explica que dende a súa chegada ao posto vén tratando de fomentar “unha auténtica cultura de dereitos entre a nosa cidadanía”, e que unha peza fundamental para acadar ese obxectivo é facilitar o acceso aos mecanismos que permiten ás persoas exercer eses dereitos. A Valedora do Pobo quere acometer esa tarefa “con base ao principio de proximidade, en contacto directo coa nosa poboación. A cidadanía - engade - ten dereito a unha presenza achegada da Valedora”. Fonte

• Redacción QPC ([email protected])
• Concello de Carballo