Un Paso Máis abre as portas da nova Ludoteca familiar

Despois de pechar as inscricións para a charla de Ángel Carracedo do día 23 e de ultimar os detalles para o taller de Patios Inclusivos do día 25, no que xa hai máis de 80 inscritos, a entidade n Paso Máis segue ofrecendo servizos para as familias con necesidades especiais.
Neste caso, anuncia a apertura da Ludoteca Familiar. Esta ludoteca, situada no local da Escola de Arrabaldes, no barrio da Milagrosa de Carballo, estará aberta tanto para as nenas e nenos, que poderán xogar e divertirse con liberdade, como para os seus pais, nais, avós, avoas, irmáns e irmás, que tamén están convidados a participar e descubrir novos xogos xuntos. "Sabemos que o xogo é unha ferramenta marabillosa para fortalecer os lazos familiares e fomentar valores como a cooperación e a empatía", invitan.
A actividade estará coordinada por María Adelaida Veiga Teixeira, profesora en Educación Infantil e Máster en Intervención Multidisciplinar na Diversidade, grazas á colaboración coa Universidade de Vigo. Ademais, contará coa axuda de voluntarios e voluntarias habituais da entidade, que estarán alí para dinamizar o espazo e asegurarse de que todas e todos desfruten desta experiencia.
A ludoteca abrirá as súas portas o próximo 4 de febreiro e desenvolverase nas seguintes datas, en horario de 17:00 a 19:00 horas:
Febreiro:
- Do 4 ao 7
- Do 11 ao 14
- Do 18 ao 21
- Do 25 ao 28
Marzo:
- Do 11 ao 14
- Do 18 ao 21
- Do 25 ao 28
A asistencia é totalmente gratuíta, e os socios poderán achegarse directamente cando lles veña mellor, sempre que haxa prazas dispoñibles. Quen preferira asegurar a sús participación, pode reservar previamente enviando un correo a [email protected], indicando o día ou días e as horas nas que queira asistir.