Abertos os prazos de inscrición para a X BTT Víndemo Ver e a Ruta do Millo

07:33 16/03/23

Xa queda menos dun mes para Semana Santa, e o Concello de Carnota egue preparando todo para a X Víndemo Ver – Mercado da Deputación. Dende o inicio da feira, entre as actividades paralelas destacand as deportivas, como son a BTT ou a andaina, que completan un programa baseado na posta en valor do produto local.

X BTT CONCELLO DE CARNOTA e

Xa está aberto o prazo de inscrición da X Ruta BTT do Concello de Carnota, a ruta cicloturística non competitiva que forma parte da programación do Víndemo Ver. A décima edición terá lugar o venres 7 de abril, con saída da ruta ás 09:30 dende o patio do CEIP de Carnota.

Por segundo ano consecutivo, propóñense dous percorridos, unha ruta longa de 45km e outra curta de 25km, ámbalas dúas circulares con chegada e saída dende o patio do CEIP de Carnota. O horario da apertura das mesas para a recollida de dorsais será a partir das 08:00 h na Casa do Concello e permanecerá aberta ata 15 minutos antes do inicio da ruta.

As inscricións realizaranse a través da páxina web www.galitiming.com ata o martes 4 de abril ás 23:59 horas cun custo de 10€ para as persoas adultas; a inscrición para as persoas menores de idade será gratuíta.

Paralela a X Ruta BTT, organízase a II Xincana de bicicletas infantil. Estará instalada no patio do CEIP de Carnota dende ás 11:00h ata ás 13:00 h e na que a idade recomendada para participar é de 5 a 12 anos. Non esquezades traer a vosa propia bicicleta e o voso casco.

Ruta do Millo

Como xa ven sendo habitual, o programa do Víndemo Ver-Mercado da Deputación, inclúe unha ruta temática que mezcla deporte con cultura e tradición, que terá lugar o sábado 8 de abril ás 09:30 da mañá dende o Hórreo de Carnota. A andaina será circular de arredor de 9km e de dificultade baixa onde as persoas participantes poderán ver distintos exemplos de arquitectura popular vinculadas á explotación do millo, como hórreos, muíños, eiras, etc. No transcurso da ruta poderanse ver tamén algunas escenas típicas de principios do s.XX protagonizadas pola Asociación Folclórica Ximiela- As persoas interesadas en participar deberán inscribirse neste formulario.