Venres. 29.03.2024
El tiempo

As obras da ponte do Ézaro estarán rematadas no mes de abril

As obras da ponte do Ézaro estarán rematadas no mes de abril
Estado das obras da Ponte do EzaroFoto-Jorge castro Estado das obras da Ponte do EzaroFoto-Jorge castro

Continúan as obras na ponte do Ézaro, a ponte da AC-550 que une os Concellos de Dumbría e Carnota. Non corre perigo o Gran Fondo Ézaro, pois malia que houbo algúns detalles que alongaron a entrega, a empresa adxudicataria asegura que en un mes e medio deberían estar rematadas.

Unha obra que viña sendo necesaria e que está sendo desenvolta por Arias Infraestruturas, para a que a Xunta destinou 420.000 euros. A obra alongouse parque ponte ten unha serie de patoloxías, pero a día de hoxe xa está executada ao 70%, segundo nos confirma a Xunta, e estarán rematadas ao longo do mes de abril.

Ponte do Ézaro en obras -Foto-Jorge Castro Ponte do Ézaro en obras -Foto-Jorge Castro

As obras consisten no selado das fisuras existentes; a reparación de desconchóns no formigón; a eliminación e prevención de humidades e mellora do drenaxe mediante: limpeza de humidades e mellora da drenaxe da calzada; fresado do firme para impermeabilización do taboleiro e a repavimentación; colocación de sumidoiros e reposición de baixantes.

Tamén se melloran os sistemas de contención, reparación de varandas; colocación de nova barreira flexible metálica e de sinalización vertical. Están instalando ademais novos canles metálicos das canalizacións eléctricas e de telefonía e unha iluminación artística da ponte.

 

Novas relacionadas

Fonte

Comentarios