Continúa a busca do veciño de Carnota desaparecido o pasado 30 de xaneiro

Continúa a busca do veciño de Carnota desaparecido o pasado 30 de xaneiro

07:20 11/02/16

Os equipos de Emerxencias 112 empregaron drons para a procura de Lino Fiuza O mal tempo destes días está a dificultar as labores de busca de Lino da Corbeira, o veciño de Carnota que desaparecía o pasado 30 de xaneiro cando se dirixía a visitar uns familiares ao lugar de Ventín. "Entre dez e quince persoas saímos todos os días a rastrexar a zona onde se lle perdiu pista" asegura Alba Fiuza, a filla do desparecido. En total peinan una zona duns 18 quilómetros cadrados ainda que cada vez son menos os voluntarios, amigos e familiares os que participan nas labores de busca debido ás obrigas laborais. Tras varios días, a búsqueda deste veciño deixa de ser unha prioridade para os equipos de emerxencias oficiais ainda que segundo indica Alba "os membros da Garda Civil dixéronnos que ían seguir buscando e o concello de Carnota continúanos dando todo o apoio necesario". Non teñen previsto ampliar a zona de búsqueda polo que a familia continúa saíndo ao monte diariamente co fin de atopar calquera pista. No momento en que o tempo mellore, están dispostos a recibir a axuda de todos os voluntarios e voluntarias que desexen participar no operativo de búsqueda. Drons Por primeira vez, Emerxencias Galicia empregou drons para a búsqueda dunha persoa desaparecida. Estes robots levan incorporados unha cámara coa que se pode acceder a zonas de difícil acceso. Este novo servizo combinouse cun operativo de cans de rescate que pouco poideron facer ao perder o rastro de Lino Fiuza aos poucos metros. Segundo informa a familia, o desaparecido tiña 75 anos de idade e recibía dende fai anos un tratamento ainda que non sufría problemas de pérdida de memoria.