O Modesto Patrimonio: A Cabana das Chozas, outra Caverna dos refuxiados no Pindo
18:57 14/01/18
Modesto Garcia Quintans na Caverna das Chozas do Monte Pindo
Imos continuar inventariando as “furnas” usadas polos escapados da Guerra Civil no Monte do Pindo, acompañado polo veterano Pepe do Fieiro. Hoxe tócanos a coñecida como “A Cabana das Chozas”, situada no lateral norte do Castelo Pequeno e á uns 200 m. ó norte do Pico de Peñafiel. Para chegar partimos do Lugar de Ó Fieiro polo sendeiro de Peñafiel. Ó chegar ó Rego de Sancheferro cruzámos a pontella coñecida como Ponte das Chozas.
Os antigos lugareños chamábanlle Os Pasales de Arcos e, sobre o ano 1950, coas obras da Ponte do Ézaro os canteiros de Arcos construíron esta ponte e trazaron un novo sendeiro por ser máis cómodo e máis corto nos seus viaxes diarios. A uns 70 m. augas abaixo está o Muíño de Louro, ben coñecido polo noso veterano Pepe do Fieiro, que conta que Xan de Louro (familiar), unha vez regresado de Cuba, construíu este muíño sobre o ano 1927.
Pepe do Fieiro na Caverna das Chozas no Monte Pindo-Foto-Modesto Garcia Quintans
Subimos pola primitiva calzada e ao chegar ós Petóns das Chozas xiramos á dereita ata encontrar unha fonte con auga permanente coñecida como A Fonte das Chozas. Esta paraxe é de terreo fértil de moito pasto para o gando polo que cabe pensar que o nome de “Chozas” foi sacado polos primitivos pastores. Na actualidade, tanto o sendeiro como a fonte están totalmente cubertos de toxo, terreo preparado para outra queima en calquer verán.
Neste punto, mirando cara ó suroeste e a uns 70 m. vemos uns “outeiros” con formas caprichosas. Alí encóntrase a “cabana”. Está baixo unha enorme plancha granítica duns 8 m. de longo por 5 m. de ancho e polo lateral oeste ten a entrada formada por unha pequena abertura duns 35 cm. de alto. Débese entrar “de gatiñas” salvando un pequeno chanzo. No seu interior é como un salón duns 30 m2, cunha altura central de 1,5 m. e inclinado cara ó norte.
Está amurallado por un lateral e o chan foi acondicionado. Apenas se nota humidade. Rematamos recordando a penuria que eses homes pasaron polo monte e a estancia nestas covas. Tíñan outro enemigo invisible e descoñecido. O gas “radón” acumulado nas covas sin ventilación como a dos Morcegos.
O Modesto Patrimonio
- A Furna do Río da Barco.
- Fonte Mateo e A Cova dos Morcegos no Monte do Pindo.
- A Cova da Pendente do Monte Pindo.
- O Castro de Alvarellos de Berdeogas.
- Lugas de Castrelo, Colúns.
- A Capela de San Marcos do Logos.
- Os muíños do Rego de Quenxe.
- Por que lle chaman as Caldeiras do Castro?:
- Semellanza dos nosos muíños fariñeiros cos canarios.
- Os muíños da nosa comarca.
- Recordando o día máis angustioso de Xesús.
- As varas: As antigas unidades de medida.
- Recordando algo da historia da parroquia de Berdeogas.
- A hidrocentral “Electra del Jallas”.
- O 50 aniversario do Encoro da Fervenza.
- A igrexa parroquial de Dumbría.
- Un Modesto repaso aos costumes avespa velutina.
- O piñeiro-marco entre Cee e Corcubión.
- A escola de Dumbría.
- O Modesto Patrimonio: Reparación do piso e do teito da Igrexa de Buxantes.
- O Dolmen da Pedra da Arca.
- A Cabana da palla do millo.
- Apañar o mato en primavera.
- A Ponte de Canelas en Dumbría.
- O arado de madeira ou tamén chamado romano.
- O Cruceiro pantasma do Monte de Olveira.
- Memoria Histórica de Buxantes – Muíño da Fonte Santa.
- O Castro de Castromiñán.
- O lugar de Quenxe.
- A Igrexa Parroquial de Buxantes.
- A Igrexa Parroquial da Ameixenda.
- O Bico do Santo en Carnota.
- Os muíños do Monte do Pindo, por Modesto García Quintáns.
Novas relacionadas
Fonte
- Redacción de QPC ([email protected]).