Cada ano mellora a organización do Encontro Monte Pindo. Este ano a ACDR Pedramar do Pindo celebraba a 4ª edición, e quedaron tan encantados coma sempre e máis felices ca nunca. I é que estes encontros son un gran xeito de coidar o Monte Pindo, recuperar o patrimonio etnográfico do mesmo, e poñelo en valor como recurso natural e turístico. Pois conxuga, charlas, con roteiros, visitas en barcos, música e deporte, da man da numerosa Galicia Maxica Trail.

O venres 13 de xullo tivo lugar a inaguración, cunha presentación do libro e a documental de Aurora Marco sobre os fuxidos. Ela e mais o seu fillo Pablo deron voz ás "Silenciadas".
Que podemos dicir das poñencias arqueolóxicas de Tito Concheiro e Felipe Senén, sempre sorprendentes, con primicias por parte de ambos en relación os traballos que están a realizar no Olimpo Celta.

O sábado entre andaina matutina, etapa do trail, e sardiñada, movilizaronse máis de 600 persoas. O que dá conta do potencial turístico deste evento estival.

O domingo estivo espectacular a ruta en catamarán ata a Illa Lobeira. E tivo que ser doble pola afluencia de xente, pois foron 60 persoas na primeira viaxe, e 72 na segunda.
A comida de clausura con 204 persoas foi a antesala do peche da man das sempre benvidas verbas de Tito Concheiro e Felipe Senén, que para toda a Pedramar xa forman parte da familia.

Unha carreira de alta esixencia

Impresionante esta ineludible cita de deporte de aventura. Participaron 189 atletas de todo o país nesta Galicia Máxica Trail.

Este é o trailer para a proba. Agardaremos o resultado!

Novas relacionadas

• III Encontro Monte Pindo: O Monte Pindo disfrutou dun Encontro con historia, música, gastronomía e deporte.
• II Encontro Monte Pindo: A Pedramar achegou o Monte ao Pindo.
• II Simposium Monte Pindo: Por que temos que coidar o Monte Pindo?.

Máis novas

• Os nenos tamén aprenden arqueoloxía cos contos da Torre dos Mouros.
• Fishernet: recuperando o patrimonio cultural mariñeiro dende a Costa da Morte para toda Europa.
• O mar fundiuse de recordos nas Xornadas de Pesca do Pindo.
• Os veciños do Pindo fan de voluntarios e tamén limpan a praia.
• Editorial: Monte Pindo: Parque Natural?.

Fonte

• Redacción de QPC ([email protected]).
• Información e fotos de Antón Lado para opindomeu.blogspot.com.