Fantástico traballo do Departamento de Deportes do Concello de Cee. Manolo Calo vén de realizar un completo informe no que recolle 7 camiños singulares, polas parroquias, para poder camiñar (e ir en BTT) máis alá do paseo do colesterol ata Corcubión.

”Camiños Activos” é o nome da iniciativa que trata de promover a práctica do exercicio físico de forma regular e saudable entre a nosa veciñanza, ao mesmo tempo que pon en valor, e en coñecemento, elementos patrimoniais.

Todas os camiños poderanse facer camiñando, correndo ou ben en bicicleta. Pero 3 dos camiños, concretamente os nº 4, 6 e 7, só poderá completarse con bicicleta BTT (de montaña), nas demáis poderanse usar indistintamente, bici de estrada ou de montaña (camiños nº 1, 2, 3 e 5).