Xoves. 28.03.2024
El tiempo

A Costa da Morte, referente educativo na diversidade

A Costa da Morte, referente educativo na diversidade
Alta participacion nas Xornadas na Diversidade de Cee Alta participación nas Xornadas na Diversidade de Cee

Unhas xornadas tremendamente útiles para o profesorado e para as familias as organizadas pola Federación de Anpas Provincial Costa da Morte e o CEFORE, co apoio do Concello de Cee. As Xornadas Vivimos na Diversidade, compaxináronse coa segunda etapa do Camiño dos Faros SenLímites 2017 para convertir a Costa da Morte nun referente en diversidade e inclusión. Unhas materias que deben ser tomadas como inherentes á educación.

As ANPAS quedaron moi satisfeitas, tanto pola alta, e activa participación nas dúas actividades, como polo éxito organizativo. A idea das Xornadas ceenses era aprender xuntos, profesorado, pais e nais, para mellorar as prácticas educativas, atendendo á diversidade do alumnado. Así, as boas prácticas que temos arredor serviron de espello onde mirarse. As Regueifestas do IES de Baio, o programa “De ti a ti”, do IES de Fisterra; os Iutubers do CEIP de Cee, ou os Cats do CPI A Picota, foron algúns dos modelos para toda a comunidade.

Xornadas Vivimos na Diversidade das ANPAS en Cee Membros da organización das Xornadas Vivimos na Diversidade das ANPAS en Cee Regueifesta do IES de Baio nas Xornadas na Diversidade Regueifesta do IES de Baio nas Xornadas na Diversidade Visita ao Museo Fernando Blanco Visita ao Museo Fernando Blanco

As xornadas incluíron tamén unha visita ao Museo da Fundación Fernando Blanco, repasando aquela avanzada experiencia pedagóxica desenvolta na Escola de Nenas de Cee. O seu programa combinaba unnha educación humanista e cientifíca co ensino de materias prácticas necesarias para o desenvolvemento económico da comarca.

A cousa rematou a ritmo das guitarras dos carballeses Dude Soul Rock:

https://www.facebook.com/dude.carballo/videos/1944692235765437/  

Camiño SenLímites

Camino dos Faros SenLimites por Corme

Son especiais estas etapas do inclusivo Camiño dos Faros SenLímites 2017. Diferentes colectivos visibilizando unha problemática tan evidente, e demostrando que a diversidade só pon límites na cabeza do que mira.

Dende Corme a Valarés realizaron os bravos transos gracias á colaboración dunha marea de colectivos, cun tempo que non cumpriu cas ameazas e mantivo secas as roupas.

 

Novas relacionadas

Fonte

Comentarios