O IES Fernado Blanco de Cee é un dos centros educativos da comarca que vén de abrir o prazo para solicitar a admisión nas ensinanzas de Educación de Persoas Adultas - EPA - para o vindeiro curso 2017-2018. Os interesados e interesadas poden anotarse ata o día 15 de xuño. Esta convocatoria diríxese a aquelas persoas que teñan 18 ou máis anos, e que poidan acudir en horario de tarde-noite ás clases que lles permitan retomar antigos estudos primarios para acadar o título de Graduado en Educación Secundaria Obrigatoria. Estas ensinanzas teñen como obxectivos actualizar a formación básica e acceder aos diferentes niveis do sistema educativo; adquirir novos conceptos, técnicas e habilidades para unha mellor adaptación aos cambios do mundo actual e desenvolver a capacidade de participación na vida social, cultural, política e económica. Nas ensinanzas EPA entran as ensinanzas básicas e as de educación secundaria.

FP no Fernando Blanco

A partir do próximo luns 26 de xuño de 2017 e ata martes 4 de xullo de 2013 ás 13.00 horas, as persoas interesadas poden presentar as súas solicitudes de admisión nos ciclos formativos que se ofertan no IES Fernando Blanco para o curso 2017-2018. Estas solicitudes deberán presentalas a través da aplicación ciclosadmision e logo entregar a documentación na secretaría dun centro educativo que imparta ciclos formativos.

Os ciclos ofertados polo noso centro son:

• Ciclo Medio de Instalacións Eléctricas e Automáticas
• Ciclo Medio de Xestión Administrativa
• Ciclo Medio de Electromecánica de Vehículos Automóbiles
• Ciclo Medio de Mantemento Electromecánico
• Ciclo Superior de Administración e Finanzas

Máis información no IES Fernando Blanco e na web do centro (www.edu.xunta.gal/centros/iesfernandoblanco)

Fonte

• Redacción QPC ([email protected])