Buserana: “Ser muller non é delicto. Tampouco no Nadal”
07:18 29/12/17
A Asociación Feminista Buserana, a única entidade feminista da Costa da Morte, quere emitir un novo comunicado denunciando o eterno problema que vive a sociedade española arredor da violencia de xénero.
”SER MULLER NON É DELICTO”
Imaxe do Día contra a Violencia de Xénero que arma Buserana en Cee-Foto-Rafa Quintáns Sempre nos venden o Nadal coma ese tempo de confraternización, de amor polos demais, de paz e bos desexos para todos e todas. Pero este Nadal en concreto vén de ser todo o contrario para mulleres que de novo foron vítimas do implacable e incesante machismo que nunca da tregua. En apenas cinco días, tres mulleres asasinadas polas súas parellas ou exparellas. Outras, estas mesmas datas tiveron a "sorte" de manterse vivas pese ás agresións sufridas, cun repunte das violencias machistas absolutamente preocupante e indignante. Acoitelada diante das súas crianzas, apalizada e abandoada nas vías do tren coma unha mercaduría inútil, estrelada nun coche despois de facela entrar arrastrada polos pelos en plena rúa...só son as tres últimas vítimas das 54 que levamos en 2017 e a xa dous meses da sinatura dun Pacto de Estado contra as violencias machistas que ía aportar solucións e remedios contra un mal endémico da nosa sociedade que sofren a diario mulleres sen más delicto que selo. Porque nos matan por iso, polo feito de ser mulleres e como tales consideradas propiedade dos homes. Ningunha Lei de Educación contempla educar contra o machismo, porque realmente a nivel gubernamental non se considera que sexa un problema real, se acaso "casos aillados" que as feministas se empeñan en visibilizar e dar a voz de alarma. Sen a educación dende a base, todo estará perdido. Os roles do patriarcado permanecerán pervivindo nas novas xeracións e por tanto, as mulleres seguirán a sufrir desigualdade, discriminación e, o peor de todo, seguirán sendo asasinadas. Precisamos feitos concretos, implicación coas novas xeracións, proteción real e non de "forma simulada" como aconteceu coas recentes vítimas, todas con denuncias previas que non serviron para mantelas vivias e afastadas dos seus asasinos. Dende Buserana berramos, clamamos e esiximos por un pacto de verdade de toda a sociedade, pero especialmente dos gobernos que deberan lexislar contra o machismo, contra o maltrato e contra todas as violencias que leva aparelladas. Somos mulleres e iso non é ningún delicto. O único delicto é que non nos deixen vivir nin ser libres. Quérete e súmate contra o machismo!.- Organización Feminista Buserana.
Novas relacionadas
- Repaso ao 25N-2017: A Costa da Morte colgouse o cartel de Espazo Libre de Violencias Machistas.
- O alumnado de Camariñas di NON ás Violencias Machistas en clave audiovisual.
- Zas súmase ao pacto das Buseranas para loitar contra a violencia de xénero.
- 10-11-17: 15 concellos da bisbarra aprobaron ou teñen previsto facelo a moción de Buserana por un pacto contra a Violencia de Xénero
- 03-07-17: O Concello de Cee, o primeiro en aprobar por unanimidade a moción contra a violencia de xénero da Buserana.
- 16-06-17: Buserana propón aos Concellos da bisbarra asinar un Pacto contra a Violencia de Xénero.
- Un #25N en violeta e En Negro
- A fisterrá Lucía Costa fai unha rapsodia fotográfica á muller.
- #25N: Os estudantes súmanse á loita contra a violencia de xénero.
- #25N: A Buserana volve saír á rúa contra a violencia de xénero
- #25N: A loita contra a violencia de xénero dende os escaparates.
- Máis de cen establecementos de Zas tinguiranse de negro para loitar contra a violencia machista
- Carballo e Zas súmanse á campaña “En negro contra a violencia”
- O día da Muller deixa poucas celebracións e moitas reclamacións na Costa da Morte.
- O Día da Muller, esa data que non debería existir
- I Gala Solidaria do Día da Muller: Implicadas en que o Día da Muller non sexa unha efeméride.
- 29-01-16: Basta Xa! Berremos ata que non haia máis violencia contra as mulleres.
- As Buseranas alzan a voz contra o machismo tras un verán negro.
- A Buserana alza a voz contra a Violencia de Xénero e critica que non se trate como asunto político prioritario.
- Buserana cumple 15 anos loitando polos dereitos da Muller.
- Redacción QPC ([email protected])