Este venres 20 de decembro o CPR Plurilingüe Manuela Rial Mouzo poñia fin a un intenso primeiro trimeste, cos tradicionais Actos de Nadal.

Houbo actuacións de todas as etapas. As crianzas de Ed. Infantil bailaron e interpretaron varias cancións en inglés como mostra do moito que aprenden co Plurinfantil; "Rudolph", "Santa Claus is coming" ou "All I want for Christmas", foron algunhas das cancións que interpretaron.

As de Ed. Primaria realizaron unha escenificación teatral "Alicia en el País de las No Maravillas", integrada no proxecto xeral do Centro, con bailes, concurso de postais navideñas e como remate final a actuación do histórico Coro do Colexio. Toda unha xornada moi emotiva tanto para o alumnado como para os familiares que os acompañaban nun ateigado Salón de Actos.