Xoves. 25.04.2024
El tiempo

Denuncian as eternas inundacións do lugar de Lires

enchentas en Lires
Imaxes das inunciacións desta semana
Denuncian as eternas inundacións do lugar de Lires

Un ano máis.o lugar de Lires sobre problemas cas inundacións. O mal funcionamento da depuradora, e a falta de separación entre as redes de augas fecais e pluviais (dous males que se retroalimentan), fai que cada vez que haia unha tromba de auga, haia problemas graves.

Así acontece, como denuncia o BNG local, nun alpendre que está situado ao outro lado da depuradora, cada vez que esta non soporta o sobre caudal. "Queda totalmente inundado e inservible, e ao remate das choivas presenta un aspecto lamentable, con barro e resíduos fecais que deberían estar na EDAR e non nunha propiedade privada".

Ademais diso, os camiños privados que serven de entrada a vivendas cercanas, quedan cheas de resíduos (produtos de hixene) que baixan polas tubaxes e que en condicións normais pararían na reixa de entrada.

"Estas situacións producense porque a EDAR non é quen de soportar o aumento de caudal, pero tamén a que debido ao arrastre de toda a materia que poida haber nas tubaxes, a reixa de entrada tapónase rapidamente, o que provoca a derivación da auga do seu curso natural.
O taponamento da reixa, e a imposibilidade da estación depuradora de soportar tal aumento de caudal, provoca que toda a auga sobrante rebose e saia polo arqueta sita no medio da vía".

O BNG propón a colocación dunha reixa automática ou un aliviadeiro, pero dende o BNG consideran que "a solución definitiva aos problemas da Edar de Lires, e con toda seguridade a contaminación da ría, pasa porque se actúe na separación de augas pluvias e residuais". En calquera caso, "como sabemos que esa obra non vai ser inmediata, desde o BNG ofrecemos esta solución mais rápida e económica para deixar, dunha vez por todas, de perxudicar a veciñanza dona das propiedades cercanas a estación depuradora".
 

Comentarios