A exposición pública o proxecto do Paseo que unirá Cee e Corcubión
23 de outubro de 2025 (09:56 h.)
Sométese a información pública o “Proxecto de recuperación do tránsito peonil do borde entre Corcubión e Cee”. Así saía este luns publicado no BOE.
O proxecto xa está dispiñoble na web do MITECO e nas dependencias dos Concellos de Cee e Corcubión para a súa análise por parte da veciñanza, puidendo presentar alegacións ata 20 días hábiles a contar dende o 21 de outubro.
O proxecto propón o acondicionamento da zona de aparcamento actual, cunha lousa de formigonado drenante (os que deixan espazos de terra), aacompañado dunha zona arborada con mesas, e un pavimento de “terrizo” ou “zahorra artificial” de árido calizo ou silíceo para o sendeiro.
Un paso máis para esta necesaria intervención municipal, encaiada durante décadas.
Histórico do proxecto
- Maio 2025: Piden nomear o futuro paseo que unirá Cee e Corcubión como "Miradoiro Orquesta La Palma”.
- Novembro 2024: Os Concellos de Cee e Corcubión fanse cos terreos que permitirán unir o paseo marítimo.
- Abril 24: O Pleno de Corcubión aproba a adquisición dun terreo para continuar coa fusión do paseo marítimo co de Cee.
- Novembro 23: O goberno corcubionés consegue reactivar o proxecto de unión do paseo entre Cee e Corcubión.
- Setembro 2023: Novos pasos para a construción do paseo entre Cee e Corcubión.
- Margarita Lamela en 2019: “A unión do paseo en Cee e Corcubión vai adiante”.
- 2014: Piden de novo a unión dos paseos de Cee e Corcubión.