Este xoves 17 de xullo, celebrarase, ás 20:30 h, na Alameda de Cee, a presentación do Premio Galaxia de Novela do 75 aniversario da editoria. E o gañador non é outro que o noso Fernando Castro Paredes pola súa obra "O lanzador de coitelos". O mestre no IES Fernando Blanco cumple 50 anos, os mesmos que o propio concurso, creado en 1975 nunha edición gañada por Carlos Casares.

A premiada novela fala sobre a liberdade e a memoria, sobre o fracaso e a corrupción humanas e, tamén, sobre esa busca que emprendemos para
descubrir quen verdadeiramente somos: vítimas ou verdugos.

Unha obra que nos fala sobre a liberdade e a memoria, sobre o fracaso e a corrupción humanas e, tamén, sobre esa busca que emprendemos para descubrir quen verdadeiramente somos: vítimas ou verdugos. 

Fernando Castro Paredes (Tapia de Casariego, 1975) exerce como profesor de Ensino Secundario. Traballa no eido do teatro escolar e afeccionado, sendo coordinador da agrupación escolar Tuéjele Teatro, do IES Fernando Blanco, de Cee, e membro do grupo Farándula Velutina, cos que desenvolve actividades pola xeografía galega. Cultiva todos os xéneros literarios, especialmente o teatro. Como dramaturgo, formouse nos talleres do Centro Latinoamericano de Creación e Investigación Teatral e recibiu recoñecementos como os premios Rafael Dieste, Álvaro Cunqueiro e Roberto Vidal Bolaño, entre outros. Algunhas das súas pezas son "A derradeira bala" (Galaxia, 2018), "Pallaso" (2020), "Sincronizadas" (2020), "Ofelia ou o cabeiro da cóbrega" (2020) e "Papiroflexia" (Galaxia, 2021).

Como novelista, é autor de "Miss Antropía" (Galaxia, 2023) e "Entomoloxía para misioneiros" (Galaxia, 2023, Premio García Barros).

Máis novas