Marcos Rodríguez segue sumando recoñecementos: X Premio Principado de Asturias de Fotografía en Libre Creación
23:47 17/11/18
O Trofeo do Premio Principado de Asturias de Fotografía só pesa 11 kg
Non, non é unha nova repetida. É un premio máis, que suma Marcos Rodríguez. O fotografo carballés, acaba de recibir outra gran nova. É o gañador do X Premio Principado de Asturias de Fotografía en Libre Creación, un dos premios (este de carácter bienal) máis importantes a nivel estatal, xunto cos Goya, os Lux e os Quijote.
" Non contaba con gañalo dende logo, porque había sobretodo dúas fotos na miña categoría que me parecían espectaculares, pero ao final, xa ves ti, e coa foto que menos pensaba que podería gañar", explica con humildade despois de levar o premio á segunda vez que se presenta. "Que supón para mín? Home, gañar un premio sempre está ben, a ninguén lle amarga un doce. A min encántame que me recoñezan o meu traballo pero tamén é certo que coas nominacións sempre me dou por máis que satisfeito".
Non puido asistir por motivos persoais á gala de entrega de premios, e un amigo recolleu un dos trofeos máis pesados dos concursos de fotografía estatais: só pesa 11 kg! Un premio que de seguro lucirá estupendamente no seu xa repleto recuncho de premios que ten no seu estudio de bodas, situado en Cee.
Máis nominacións
Marcos está pendente agora doutra nominacion máis, o Premio Internacional de la imagen Luces de Granada, pois unha foto da rapa das bestas está entre as finalistas.Novas de Marcos Rodríguez
https://quepasanacosta.gal/as-miradas-de-marfil-enchen-de/ https://quepasanacosta.gal/marcos-rodriguez-revalida-o-titulo-de-fotografo-europeo-do-ano/- Febreiro 18:Marcos Rodríguez volve á final da “Eurocopa” de fotografía.
- Outubro 17: Marcos Rodríguez xa é todo un Maestro Fotógrafo.
- Abril 17: MR: A Cámara de Ouro da fotografía europea é costeira.
- Marzo 17: A Federación Española de Fotógrafos concédelle dous novos recoñecementos a Marcos Rodríguez.
- Marzo 17: Marcos Rodríguez, o fotógrafo máis internacional da historia da Costa da Morte, expoñendo na casa
- Febreiro 17: Marcos Rodríguez aspira a gañar a Cámara de Ouro dos Fotógrafos Europeos
- Decembro 16: Marcos Rodríguez representará por terceira vez a España no Mundial de Fotografía.
- Outubro 16: Marcos Rodríguez, “Fotografo Distinguido” e doble “Fotógrafo do ano” pola FEPFI.
- Febrero 16: MR, no Top Ten dos Fotógrafos Europeos.
- Xuño 16: Marcos Rodríguez homenaxea á xente da Costa da Morte a través dunha exposición de fotografía
- Xaneiro 16: Marcos Rodríguez, de nominación en nominación
- Xaneiro 16: Marcos Rodríguez aspira a convertirse no Quijote da fotografía estatal.
- Decembro 15: “Repetir a medalla de Prata da Copa do Mundo de Fotografía antóxase difícil, pero soñar é gratis”.
- Abril 15: “Gañar a medalla de prata nunha Copa do Mundo de Fotografía cunha imaxe da Costa da Morte… Emocióname”.
Fonte
- Redacción de QPC ([email protected]).