Franceses de intercambio no IES Agra Raices de Cee

Saltou algunha bágoa esta mañá de xoves. Porque unha semana de convivencia dá para moito. Para moitos sentimentos, pero sobre todo, para aprender moito máis que 4 anos de aprendizaxe nas aulas ao verse obrigados a usar a lingua estranxeira que levan anos estudando. Así o entende Elena Martínez, a mestra de francés do IES Agra Raíces, que durante esta semana está coidando xunto con Isabel Garea, o grupo de intercambio francés que ten pasado unha semana na Costa da Morte.

”Cada 2-3 anos, sempre intentamos organizar estes intercambios, porque consideramos que é unha forma estupenda de que eles coñezan a cultura francesa e practiquen o idioma”, comenta Elena. Así, despois desta primeira visita dos franceses á nosa casa, os ceenses emprenderán viaxe cara Francia o 29 de marzo, para pasar unha semana ata o 6 de abril e poñer en práctica todo o aprendido ata agora. Como fan os franceses con ese español que levan estudando dende 1º da ESO.

Este é o primeiro ano que o instituto ceense comparte experiencias con este centro da Bretaña Francesa, concretamente do lugar de Redon, unha pequena vila de 9.000 habitantes moi semellante á nosa comarca. Ademais, aproveitarán a viaxe para pasar un par de días en París, unha visita obrigada.

Franceses de intercambio no Agra Raices en Muxía coa bandeira da Bretaña francesa-Foto-Rafa Quintans

Moitas experiencias

Son moitas as cousas que pasan durante estes días para os os 28 alumnos franceses e os ceenses. Con 15-16 anos, facer novos amigos e mesmo entablar relacións emocionais é o máis normal. “Están encantados, sorprendidos polo moito que comemos, e polo moito que pode chover”, i é que a verdade é mala sorte que despois do inverno que levamos collesen a semana do primeiro temporal…

”As familias “adoptivas” estanse portando xenial, coma sempre, e xa os levaron de excursión a ver Muxía, Fisterra… e outros puntos da zona. Con nós xa fumos todos xuntos ata Muros, Carnota, O Ézaro, A Coruña e mesmo a Santiago. Están pasándoo de medo”.

Agora toca manter contacto a través do whatsapp e as redes sociais, e esperar a finais de marzo, para poder volver ver eses novos amigos e para practicar a lingua francesa.

Franceses de intercambio no IES Agra Raices de Cee Franceses e ceenses en Corcubión-Foto-Rafa Quintáns Franceses no Castelo de VImianzo-Foto-Rafa Quintáns Franceses do Agra en Fisterra-Foto-Rafa Quintáns

Fonte

• Redacción de QPC (info@quepasanacosta.com).