O Goberno achégase á Costa para explicar as reformas

O Goberno achégase á Costa para explicar as reformas

08:55 04/06/12

Varios representantes do Partido Popular da provincia da Coruña realizaron o pasado venres unha rolda de prensa en Cee para explicar as reformas que está levando a cabo o Goberno de Mariano Rajoy e algunhas das medidas máis importantes de face aos próximos meses de lexislatura.
O Secretario Provincial do PP Álvarez-Campana, o deputado nacional Juan de Deus Ruano Gómez, o senador José Luís Torres Colomer, os deputados autonómicos Alberto Sueiro, Marisol Piñeiro e Gema Freire, estiveron acompañados ademais de varios portavoces e alcaldes populares da Costa da Morte, para achegar á cidadanía os movementos do goberno central.

Plan de Pago a Provedores

Unha das cousas que máis nos afecta é o Plan de Pago a Provedores. Foi Deus Ruano que centrou a súa intervención no asunto, indicando que xa está empezando a ter un efecto positivo, xa que vai permitir que a provincia da Coruña reciba 59 millóns de euros do fondo de pago a provedores.
Grazas á aplicación deste plan, "todas aquelas empresas ou autónomos que realicen algún tipo de servizo a entes locais e Comunidades Autónomas van poder cobrar esas facturas que coloquialmente chamamos de caixón", explicou o deputado.
En concreto, na provincia acolléronse a este plan 50 entidades, que presentaron 28.477 facturas emitidas por un total de 1.695 provedores, dos cales 348 son persoas físicas, 1.262 son pemes (pequenas e medianas empresas) e 85 corresponden a grandes empresas.

Si redución da administración e non copago

Torres Colomer asegurou que "non haberá copago sanitario", tras anunciar que a administración sufrirá unha redución do 20% da súa estrutura orgánica, ademais de lembrar a "lei de transparencia e a de austeridade orzamentaria, na que España foi pioneira en Europa".

Sector pesqueiro

Colomer destacou que "se está pondo sobre a mesa un decreto sobre a regularización de embarcacións menores, aprobado polo Goberno anterior e que deixaba sen regularización a moitas das que tiñan características peculiares. Este decreto estaba practicamente esquecido. Agora estámolo revisando para este tipo de embarcacións estean tamén reguladas e teñamos, así, máis seguridade no mar", comentou.
Uns apuntes que chegan a pesar das críticas do sector pola Privatización do seguro do mar.

Colomer informou de que o Senado acaba de aprobar por unanimidade de todos os grupos políticos "un documento para apoiar ao Goberno na reforma da pesca comunitaria que se está facendo en Bruxelas". Este documento propón reformas importantes, entre as que cabe destacar algunhas como a petición de que "as medidas de Bruxelas non sexan ríxidas e xenéricas, senón que contemplen excepcións que se adapten a cada rexión", explicou o senador.

Situación de Galicia

Foi Alberto Sueiro o encargado de repasar a situación do país. "Grazas a estes tres anos de intenso traballo, agora Galicia está nunha situación privilexiada, xa que case estamos cumprindo ou déficit esixido para 2013". "Somos a comunidade autónoma máis solvente de España e iso vese agora recompensado en temas como que en Galicia estea garantido ou soldo dous funcionarios e vos servizos básicos", finalizou.