Sábado. 26.09.2020
El tiempo

Os alcaldes da Mancomunidade de Fisterra tamén esixen a Feijoo que reciba ao Comité de Ferroatlántica

Os alcaldes da Mancomunidade de Fisterra tamén esixen a Feijoo que reciba ao Comité de Ferroatlántica
Comite de Ferroatlantica cos alcaldes diante do Concello de Cee Comite de Ferroatlantica cos alcaldes diante do Concello de Cee

Trala concentración do pasado venres, e trala reunión con Pequeño e a carta enviada a Feijoo, o Comité de Empresa de Ferroatlántica sabe que ten o apoio dos alcaldes da comarca de Fisterra.

Así o ratificaron os alcaldes de Fisterra, Cee, Dumbría, Corcubión e Muxía no Pleno da Mancomunidade da Comarca de Fisterra, que compartiron “a incerteza que provoca o anuncio da venda das centrais hidroeléctricas e as negativas repercusións que tería para a comarca”.

Os alcaldes amosaron o apoio ás reivindicacións dos traballadores e das traballadoras de Ferroatlántica, subliñando o importante impacto socioeconómico que suporía a segregación das centrais das fábricas de ferroaleacións. Por iso, o Pleno da Mancomunidade remitiu este mesmo luns un escrito ao Presidente da Xunta de Galicia solicitando que atenda a petición de xuntanza co Comité antes do xoves 27, data na que a representación do persoal está convocada a unha reunión co Presidente da empresa en Madrid.

Así as cousas, o Comité mantén a convocatoria dunha concentración diante dos edificios administrativos da Xunta en San Caetano (Santiago de Compostela) para mañá, martes 25 de outubro, ás 11:30 horas, co obxectivo de reiterar a nosa petición de reunión.

Novas relacionadas

  Fonte

comentarios