Venres. 29.03.2024
El tiempo

Pequeño: “A día de hoxe, creo que Feijoo non vai deixar abandonada á Costa da Morte”

Pequeño: “A día de hoxe, creo que Feijoo non vai deixar abandonada á Costa da Morte”
Pequeño Castro durantes as concentracións na praza de Cee polos traballadores de Ferroatlántica Pequeño Castro durantes as concentracións na praza de Cee polos traballadores de Ferroatlántica

Tras analizar o que pasou onte no Parlamento e pensando na reunión dos alcaldes da comarcar co Presidente da Xunta deste venres, falamos con José Manuel Pequeño, alcalde socialista de Dumbría, e un dos máis implicados no caso Ferroatlántica.

“A ver que nos di o Presidente, pero eu quédome co titular que dixo que a Xunta non podería segregar as actividades. Por iso, a día de hoxe (veremos que pasa “mañá”) eu doulle un voto de confianza, creo que Feijoo non nos vai abandonar á xente da Costa da Morte. Ademais cónstame de que é un amante desta zona e el sabe perfectamente a problemática que supón”.

Con confianza e algo de ironía fala o alcalde dumbriés tras comprobar a diferencia entre as proposicións non de lei aprobadas onte e en febreiro, e vendo que na de onte falta un compromiso claro, como sinalaba a deputada socialista Loli Toja no propio Parlamento.

”É unha decisión da Xunta”

”Eu vexo claro que é unha decisión da Xunta. Iso de que depende da Unión Europea é unha tolería que nos queren meter, non ten nada que ver con todo isto. Isto é un tema de país, e temos que defender os postos de traballo. Noutros sectores as administracións están a velas vir, pero aquí si que corresponde actuar”, sinala.

“Todo o mundo fala de Alcoa, pero é que Ferroatlántica está competindo con Alcoa no mesmo mercado eléctrico. E con Alcoa todo o mundo pelexando para que non marche do país e Alcoa pedindo que se non ten electricidade barata, marcha. Quen lle dera a Alcoa autoproducir enerxía como ten Ferroatlántica. Como vas explicar a alguén que unha empresa que autoproduce electricidade se queira ir?”, pregúntase Pequeño.

Mobilización e ”mans negras”

pequeno-cos-traballadores-de-ferroatlantica Pequeño cos traballadores nunha xuntanza en Dumbría

”Hai que facer didáctica porque é unha cuestión de que país queremos. Somos tan gilipollas que nos explotan todo o que temos e logo se marchan. Os galegos non podemos estar dispostos a que nos sigan levando todo: que se Fenosa, o Banco Pastor, as Caixas de aforro… É un tema de de todos os cidadáns”, di consicente de que a mobilización social é clave. “Estou vendo que a xente está empezando a coller conciencia do problema. Non é un problema dos postos de traballo actuais, se non do futuro, nun sector tan importante coma este para a comarca”.

Iso si, ve poderes pouco interesados en falar do asunto. “Vexo unha boa resposta da veciñanza e non hai que esquecer que a información do problema é importantísimo, e para a información que houbo ata o día de hoxe, a xente está na rúa.Vese que hai medios de comunicación que non están a altura das circunstancia, e vexo poderes interesados en que non se fale disto. Parece que hai mans negras intentando recudir toda a información e sen embargo hoxe xa se pode falar en medios de tirada nacional. E iso é gracias ao traballo que se está facendo que se está visibilizando máis, e é notorio que está chegando moito máis porque hai moito curro detrás para superar moitas cancelas”.

” Se eu non lle poño gasolina ao coche, o coche non anda”

Prefuntámoslles que suporía para a comarca e para o Concello de Dumbría, primeiramente a venda das centrais, e se efectivamente teñen razón os máis pesimistas que esa venda suporía o peche progresivo das fábricas, que impacto tería para o concello e para a zona. Pequeño exemplifica con algo cotián: “Se eu non lle poño gasolina ao coche, o coche non anda. Se eu lle saco a electricidade aos fornos, os fornos non funden as pezas.”

Considera que a segregación “sería a morte automática das fábricas, e que ninguén esqueza que os alcaldes estamos defendendo os postos de traballo de agora e do futuro, da fábrica e de todos os postos indirectos que xenera. Necesitamos si ou si as ferroaliaxes e que os postos de traballo”.

 

Artigos relacionados

Novas do #CasoFerroatlántica

  Fonte

Comentarios