Os traballadores de XEAL denuncian que a produción das fábricas non chega ao 10%

As concentracións voltaron ás portas da fábrica de Brens
Redacción
15 de xaneiro de 2021 (23:08 h.)
Volveron as mobilizacións tralo parón de Nadal dos traballadores de Xeal. Volveron trala nova evidencia de “o seu único interese polo substancioso negocio enerxético”. Así o entende o Comité que convocaba unha nova concentración ás portas da fábrica de Brens este venres ás 17:15. Unha concentración algo menos numerosa que as anteriores no Concello, pero as horas e o peche perimetral do Concello de Cee imposibilitan que haia máis seguemento.

A situación segue a ser crítica no seo da fábrica, con continuas redución de emprego (sen suplir as xubilacións), e unha porcentaxe de produción que dende o Comité calculan por debaixo do 10%, xa que só están en marcha 2 dos 5 fornos, e os que funcionan paran 13 horas ao día...  "Mentres as centrais están a tope", explican deixando patente o interese da nova propiedade polo negocio enerxético.

Ademais, lembran á Xunta que segue sen esixir o tan veces nomeado Plan de Viabilidade.

 

NOVAS DO CONFLITO #FERROATLÁNTICA
Etiquetas
emprego ferroatlántica industria xeal